حيوان الألباكا اهبل حيوان على وجه الارض

[walaa farouk]

رحبوا معايا بأكتر حيوان كيوت واهبل على وجه الأرض 😂⁦❤️⁩

حيوان الألباكا ، حيوان من فصيلة الجمليات شبه الخروف بس برقبة طويلة
ويشبه بحد كبير حيوان اللاما بس كيوت اكتر منه ..
وهقولك في البوست ده اسباب تخليك تحب الألباكا بدون نقاش..

الألباكا حيوان فلافي جدا وناعم يعني تحس انه دبدوب في نفسه
واقصى طموحه ياكل ويشرب ويلعب ،
وسيبكم من انه اجتماعي جدا ومستأنس ولطيف مع كل المخلوقات حرفياً
وماشي يوزع طاقة ايجابيه في كل مكان ، تحسه رايق ميحبش يتضايق 😂

لما بيحس قطيع الالباكا بالخطر بيشهقوا بصوت عالي جداً
( مش بهزر بيشهقوا زي شهقة الملوخية كده ) او الشهقة اللي بتسبق "يالهوووي" 😂😂😂

الالباكا لما بيهجم عليها عدو بترفسه برجليها الامامية او بتتف عليه 🤣🤣

وعشان نكون حقانيين بردو ، مش كل الألباكا بتتف على العدو
لكن كلهم بيعرفوا يتفوا يعني اوبشن التف موجود عندهم 😂
ده غير انها مش بتتف اي تفه كده وخلاص لا العلماء بيسموا تفتها (الفم الحامض )
لانها بتحوش في التفه احماض من معدتها وبواقي اعشاب اكلتها
وتتفها في وش العدو فا يحس بطعم وحش جدا في بوقه ويهرب او يبعد عنها ..
وحذاري تزعله .. الألباكا مبيحبش القلق ولا التوتر .. لو زعلته هيصوت في وشك 😂😂

ده غير بقا انه حيوان نضيف جداً وكل حاجه عنده بنظام حتى الحمام .. 🤣🙊
القطيع بيختار منطقه معينه يتخلص من فضلاته فيها
، وكل واحد بيقضي حاجته فيها بالدور ..

كن مثل الألباكا ⁦❤️⁩⁦❤️⁩💆💆