|
 |
 |
 |
|
رقم المشاركة : ( 1 )
05 - 05 - 2020, 03:52 PM
|
|||||||||||
|
|||||||||||
 بطرس و اللي معاه و هما بيصطادوا بليل خرجوا و هما جاهزين بكل حاجة تؤهلهم للنجاح الشباك معاهم و الطعم و الخبرة في الصيد المراكب جاهزة و اكيد عندهم دراية كاملة بظروف الطقس و نزلوا و اخدوا وقتهم في الصيد .. لكن للاسف مفيش حاجة اصطادوها .. !! يعني ايه مفيش ؟ يعني هنرجع بيوتنا فاشلين كده ؟ ده في ناس حاطة امالهم علينا !! طيب يا بطرس مراتك و حماتك اللي مستنين دول هتقولهم ايه ؟ بلاش كده .. ممكن تقولي سبب فشلك ايه ؟ ما انت جاهز من كل حاجة ! امكانيات و جهد و تعب و خبرة! فشلت ليه ؟ ذاكرت كويس جدا .. و اتحطلي بدل ١٠ جات مع المصحح ٠ و ال ١ أتنسي .. حظك جه كده في كوباية الشاي اللي اتلخم بيها في الوقت ده. احيانا كتير نتعب و النتيجة مفيش ! مش تقصير منك .. لكن الظروف مش بتساعدك. كنت هدخل طب و فرقت واحد من عشرة. ده قانون في الحياة اسمه ( الجهود المهدرة ) .. حاولت كتير و فعلا مش ناقص حاجة .. لكن للاسف جهد مهدر لازم يبذل و ميجبش نتيجة .. ساعتها تقول صدقوني مليش ذنب .. لكن مازال بيجيبوا اللوم عليك .. بس فعلا مش عليك ذنب .. القصة منتهتش .. (( ادخل الي العمق )) .. نعم ؟؟ عمق ايه ؟ العمق مفهوش سمك ؟ انا صياد و فاهم ! منا عارف ان خطتك اللي رسمتها فشلت علشان كده بقولك ادخل الي العمق. العمق و بليل ؟ انت فاكر البحر ده لعبة ؟ ادخل الي العمق ! ادخل في تحدي مع العالم ادخل متخافش .. ادخل و كن اكثر مرونة. بدل اهدافك و خططك .. تعايش مع الواقع . . بلاش التجربة تكسرك .. اقبل انك فعلا منجحتش في اللي انت عايزه لكن في اهداف تاني كتير .. ليه باصص علي سمكة و انت تقدر تملي الشباك .. لكن محتاج نظرة مختلفة .. وقعت تحت قانون الجهود المهدرة لكن تقدر تصارع .. تقدر بامكانياتك اللي مش سهلة ابدا انك تعافر .. قوم عافر اكتر .. في مكان تاني .. بتفكير تاني .. باهداف تانية .. هتوصل الي ان تخترق شباكك من كثرة النجاحات. انت لم تفشل .. انت بتحاول توصل لنجاح اكبر من اللي خططت له .. بقولك ترمي الشباك .. ترمي شبكة ليه ؟ كن واثق .. كن مؤمن .. الله يعمل مع الانسان المجتهد المتغير .. المصارع .. المتحدي .. المختلف . . الطموح .. الواعي .. المحب للنجاح . الله بيحب النجاح و التغيير .. المسيح اول من نادي بتغيير المعتقدات و الافكار عن الله. ان وقعت تحت قانون الجهود المهدرة فأنت قادر ان تنجح بطرق اخري. 
|
|
العرض الشجري