|
 |
 |
 |
|
رقم المشاركة : ( 1 )
04 - 12 - 2019, 10:06 PM
|
|||||||||||
|
|||||||||||
 معه انا .. الآية الخالدة دي تستحق انها تتبروز بمية الذهب "يدعوني فأستجيب له، معه أنا في الضيق، أنقذه وأمجده" (مزمور ٩١،) .. لما تبقي في ضيق ، ربنا مش بس ح ينقذك منه ، الأول "ح يبقي معاك" .. معه انا في الضيق يعني الاهم انه يبقي جنبك ، تحس بيه و يشفي احساسك بالوحدة .. يعني تتعلم تصلي لان ما بقاش ليك غيره .. يعني يطمنك و يباركك و يداوي خوفك و يساعدك انك تخف من حبك لنفسك.. يعني يداوي قسوة قلبك و عندك و بعدك عن الحق و كسرك للوصية .. "معه انا" اهم بكتير من " انقذه" اللي ح تيجي قدام شوية .. ينقذك من نفسك اهم من ينقذك من مشكلتك .. المشكلة عند ربنا سهل جدا ينهيها بقرار ، لكن تركيبة نفسك الملخبطة و شفاء عنادك مش ممكن تتشفي إلا بموافقتك و اعترافك بغلطك باقتناعك و بارادتك ، و ده مش قرار الهي ربنا بيعملهولك.. لازم انت توافق و تخضع و تقتنع احتراما لارادتك.. و يا ما ربنا ساب الضيق يداوي عيوبنا ، و اول ما برنامج العلاج يخلص ، ربنا ينهي الالم بعد ما حقق دوره العظيم في تشكيل شخصيتك التايبة و يكمل فضايلك الناقصة .. 
|
|
العرض الشجري