|
 |
 |
 |
|
رقم المشاركة : ( 1 )
06 - 10 - 2019, 09:19 AM
|
|||||||||||
|
|||||||||||
 للشبشب في بلدنا العزيزة مميزات كتير ، آخرها اللبس في الشقة أو في الشارع !! ١-وسيلة عقاب آمنة و مضمونة ، يلسع و و ضرره محدود لو ماما احسنت استخدامه و ما ضربتش في مقتل!! .. ٢-عقاب رادع لكل الغلطات : من أقوي "الحوافز" للمذاكرة ، لكن ينفع في كل المجالات: قلة الأدب، عدم النضافة ، عدم سمع الكلام... ٣-ممتاز في التهديد ، يوضع علي اقرب ترابيزة ، مع التأكيد علي استخدامه اذا لزم الأمر.. و نتايجه دايما مضمونة ، و اثره هايل بالذات قدام الناس !! ٤-متوفر بكل الأشكال و الالوان ، خفيف الوزن يمكن حمله في الشنطة ، و اسعاره في متناول الجميع و يباع في كل المحلات و حتي مع الباعة الجائلين .. ٥-سهل الاستخدام ، اي مقاس فيه ينفع بس كل ما كبر كان أقوي تأثير و ممكن استخدام اي فردة ، يمين شمال اللي ربنا يقدرك عليه !! ٦-عمره ما يقدم ، حتي لو كان شبشب جدو أو تيتة(الله يرحمهم) ، يكمل مفعوله مع الأحفاد، و اهو برضه من ريحة الحبايب ، و بدل ما يترمي !! ٧-يمكن استخدامه من اي وضع : و انت واقف او قاعد ، و المدهش انه ممكن استخدامه "طائرا " ، و ده بييجي مع التمرين المستمر ، و حسن التنشين .. للشبشب بريق خاص في البيت المصري الأصيل، و هو وسيلة تربوية الطب النفسي ما عرفش يغيرها لغاية دلوقتي ، و هو غالبا جين وراثي تتناقله الأجيال لسه لم يكتشف له بعد علاج !! و يسمي الشبشب في الموروث الثقافي المصري ، و غالبا من ايام الفراعنة "سلاح ام التلميذ " !!! ربنا يكفيكوا و يكفي ولادكم شر "الشبشب" .. آمين يارب!! 
|
|
| قد تكون مهتم بالمواضيع التالية ايضاً |
| الموضوع |
| كيفية التربية الحديثة المثلية |
| فضيحة كبرى لوكيلة وزارة التربية والتعليم بالقاهرة بشأن تدريس الدين المسيحى وبلاغ لوزير التربية والتع |
| اين الشبشب |
| بالفرشة ولا الشبشب |
| حد يناولني الشبشب |
العرض الشجري