|
 |
 |
 |
|
رقم المشاركة : ( 1 )
11 - 10 - 2019, 08:43 AM
|
|||||||||||
|
|||||||||||
 "اننا تثقلنا جدا فوق الطاقة حتى ايسنا (يئسنا) من الحياة ايضا " ( 2 كو 1: 8 ) من كذا يوم كده كان فيه رسالة واحد كاتب انه هينتحر وده بسبب ضغط الكلية والدكاترة واكيد طبعا المجتمع والناس اللى حواليه ولو كمان حته من البيت والاصحاب .. يعنى حاجات كتير بتبقا داخله ف بعض ساعات حتى مبتعرفش تطلعهم من بعض اللى هوا انا مش عارف مخنوق من ايه بالظبط كل حاجه حواليا هى السبب عشان توصلنى ف الاخر .. انى تثقلت جدا فوق الطاقة حتى يئست من الحياة ايضا ... ده الاحساس فعلا اللى بيبقى عند اللى مخنوق من الدنيا ... بيبقى مش حامل كلمة ... مش قادر يكلم حد حتى القريبين ليه .. مش عارف يعمل اى حاجه .. مش هتلاقى ع لسانه غير معنديش طاقة ... هو معندوش الطاقة اللى تحركه ... هتلاقيه مستتقل نفسه بالهدوم اللى عليه بالنفس اللى بيتنفسه ومش حاملك انت كمان ... وده مش بس اللى وصل لمرحلة اللى بيفكر ينهي حياته .. دى مرحله لازم هتيجى مره هتعدى عليها ... بس اللى يمكن ملاحظتهوش ف الايه اللى فوق ... هوا مين اللى قايلها ... ده بولس الرسول ايه ده ومال بولس ومال الاكتئاب والغم بتاعنا .. هما دول مش المفروض كل حياتهم زقططه... مش ده بتاع افرحوا كل حين واقول لكم ايضا افرحوا ... أومال فيه ايه ؟؟!... ايوه بولس عدت عليه تجارب وضغط تعب فيهم وقال انه يئس من الحياة .. ايوه بولس عدت عليه تجارب قال "انا كنت عنكم فى ضعف وخوف ورعدة كثيرة "( 2 تس 2: 3) .. يونان قال مرتين يارب "موتى خير من حياتى " دول كانوا قديسين بس جربوا الضعف والحزن والاكتئاب لانه ببساطه مش ضد الايمان لكن ده نتيجه لضعف موجود فينا وربنا عارفه وفاهمه ومقدره . طب والحل ف الاكتئاب ؟؟؟ الحقيقه معرفش بس اللى اعرفه ان فيه واحد قال موتى خير من حياتى (ضمنيا) وبعدها راح شنق نفسه ... وواحد تانى قال تثقلنا جدا حتى ايسنا من الحياة وبعدها قال "لكن كان لنا فى انفسنا حكم الموت لكى لا نكون متكلين على انفسنا بل على الله الذى يقسم من الاموات " يعنى م الاخر لو سبنا نفسنا لنفسنا فنفسنا ماتت ... لكن احنا سبناها لربنا اللى قادر يقوم من الاموات لنا_رجاء 
|
|
| قد تكون مهتم بالمواضيع التالية ايضاً |
| الموضوع |
| التوبة والدم |
| الماء والدم |
| الربط والحل |
| الماء والدم |
| العجوز والدم |
العرض الشجري