"سنارة للسماء"

[بنت معلم الاجيال]

شخص فقير مريض بالكبد ، وفي حالة متأخرة
الدكتور كتبله على حقن غالية ، وللأسف لسوء حالته المادية معرفش يشتريها
لكن ربنا بعتله اللي يقدر يساعده بتمن الحقن
اكتر من سنة ونص الراجل الثري بيجيب حقن للراجل الفقير على امل انه يخف
خصوصا ان الراجل المريض ده كان شغال عند الراجل الثري ومعروف ان معندوش اي مصدر تاني للرزق يشتري بيه الحقن

وبعد سنة ونص مات مريض الكبد ،،
وبعدها بشهرين مات الراجل الثري

وهنا بدأ ابن الراجل الثري يسأل ربنا
• طالما حالته المادية ضعيفه ومش هيعرف يعالج نفسه ، رزقته بالمرض ليه !!
• وليه بعد كل المصاريف اللي ابويا صرفها عليه ماشلتش عنه المرض !!
• طالما كاتبله الموت ، ماخدتش روحه قبل اول حقنه ليه !! وكنت وفرت لينا كل الفلوس اللي اتصرفت دي

وهنا سمع صوت من السما بيقول
• الراجل الفقير كان بعيد عني ، والمرض هو اللي خلاه يعرفني ويدعيلي ويصليلي ويقربلي
مكانته عندي كانت صغيرة ، لكن بنعمة الشكر والرضا اللي كان فيها ، كبرت اوي ونال مكان ماكنش يتوقعه ،
• والدك الثري كان قدامه طريق طويل علشان يغير مساره ومكانته فوق من الظلمة للنور ، والعطية اللي قدمها بكل محبة كانت سبب كبير في ان طريقه يتغير والظلام يتحول نور

الاتنين في حضني وفي مكان حلو خالص
واحد جه بقطر الرضا والشكر ، والتاني جه بقطر العطاء بفرح

انتوا بتبصوا للأرضيات ، لكن انا يهمني السماويات
انتوا بتبصوا للبدايات ، لكن انا يهمني النهايات

لو جاتلك فرصة تعمل خير ، اتشعلق فيها
جايز تكون السلمة الاخيرة اللي هتطلع عليها لطريق السماء
ولو جالك المرض او وقعت في ضيق ، قابله بفرح
لانه هيكون السنارة اللي هتنتشلك من الظلمة للنور

ربنا بيبعت اختبارات طول الوقت ، ويابخت اللي ينجح فيها

انشر القصة ، يمكن تكون سبب في تغير مسار انسان في ايده يساعد ومابيساعدش ، او يشكر ومابيشكرش ،،

[Mary Naeem]

ربنا بيبعت اختبارات طول الوقت ، ويابخت اللي ينجح فيها

صح يا قمر
ربنا يباركك حببتي

[walaa farouk]

ميرسى على مشاركتك الجميلة

[بنت معلم الاجيال]

ربنا يعوض تعب محبتكم