|
 |
 |
 |
|
رقم المشاركة : ( 1 )
12 - 07 - 2019, 12:00 PM
|
|||||||||||
|
|||||||||||
 لما تشوف ست غلبانة واقفة بترابيزة في حوش الكنيسة بتبيع عليها حاجات او شاب بسيط واقف بترابيزة عليها اكسسورات اوعي تمنعهم او تطالب بمنعهم بحجة قدسية الكنيسة .. مش دول اللي بيقللوا من قدسية الكنيسة ... اللي بيقلل من قدسية الكنيسة كل واحد علي المنبر او في خدمته مش بيقدم المسيح . • لو طلع في الاتوبيس شاب زي الورد بيبيع اقلام .. حاول تنفعه وتشتري منه قلم بجنيه او ٢ جنيه ولو مش محتاجهم وزعهم . . لكن اجبر بخاطره وشجعه انه بيحاول يعمل حاجة ومش بيمد ايده لحد . • لما تشوف واحدة حاطة قفض عليه شوية مناديل او شوية خضار .. او واحد بعربية تين شوكي حاول تشتري منهم او علي الاقل اديهم حاجة من عشورك .. واوعي اوعي تفاصل معاهم الناس دي يوم مالدنيا تفتح اوي معاهم .. بيدخلهم مكسب ٥٠ جنيه في اليوم . • لما تشوف محل بيكسب اوي ومحل مش بيكسب مع ان الاتنين بيبيعوا نفس المنتج بنفس الجودة .. حاول تنفع اللي مش بيكسب . • وانت نازل الصبح هتلاقي واحد قد ابوك بيفتح دكانته او بيفرش فرشته ادعيله من قلبك بالرزق وحاول لو امكن تنفعه بشراء حاجة بسيطة انت محتاجها . • البياعين اللي علي الارصفة وعاملين زحمة (ماعدا العتبة وماشابه) معلش استحملهم شوية غلابة ومعدومين ومش بايديهم الشقا ده .. وكان ممكن تتولد تلاقي ابوك او امك واحد او واحدة منهم . • لو شجاع وشهم اوعي تيجي علي الغلابة والضعاف والمطحونين ... لو شجاع وشهم اتكلم في وش الكبار الظالمين .. 
|
|
| قد تكون مهتم بالمواضيع التالية ايضاً |
| الموضوع |
| طوبى للرحماء على المساكين |
| طوبي للرحماء علي المساكين |
| طوبى للرحماء على المساكين |
| طوبي للرحماء علي المساكين |
| طوبى للرحماء على المساكين |
العرض الشجري