زوادة اليوم: المقصود بينقرا بين السطور

[souad jaalouk]

زوّادة اليوم:
بيقول احد الآباء: "إن الله قادرٌ على كلّ شيءٍ ما عدا أن يُرغم الإنسان على محبّته". في شبّ ملحد اوّل ما سمع هالجملة قال عا اساس بتقولو ليس من امر عصيّ على الله و ليس على الله امر مستحيل، كيف هلّق عم تقولو انّو ما بيقدر يخلّي الناس تحبّو!؟
اكيد مش المقصود انّو في شي ما بيقدر ربنا يعملو! المقصود بينقرا بين السطور! ربنا عطانا عَقِل و قدرة تمييز بين الخير و الشر و نتيجة كل وحدة منّن و بنفس الوقت عطانا حريّة تامّة و علينا نختار! نحنا اللي مسؤولين عن خياراتنا مش الله! اذا اخترت تكون معو و تحبّو كتير منيح و اذا لأ ما بيفقد الأمل و بيضلّ ناطرك توعى و ترجع و بيفرح برجعتك كتير!
صرت تعرف كل شي يا انسان و قدّامك كل وسائل المساعدة حتّى تمشي طريقك قد ما كان صعب و حسّيت اوقات مش قادر تكمل... فكّر منيح و بالنهاية انت حر!...الله معكن