|
 |
 |
 |
|
رقم المشاركة : ( 1 )
02 - 03 - 2019, 09:48 AM
|
|||||||||||
|
|||||||||||
 لا الزمن ولا الناس ولا غيره بيظلمنا ... ولا حتي الحب ... إحنا اللي بنداري علي مصايب بنحط نفسنا فيها ونلاقي ليها ألف عذر ... بندخل في علاقات مكتوب في أولها ممنوع الدخول ونقول هو يعني الحب كان بأيدينا ... بنقصر مع صحابنا وأخواتنا ولما يعدي يوم واتنين نقول لنفسنا احنا منسالش علي اللي ميسألش علينا ولما يسأل نهجم عليه قبل ما نسمع عذره ونقوله ملكش مكان في حياتنا ... بنقصر في السؤال علي أهالينا ونرجع نلطم ونقول الزمن مبهدلنا ... بنسيب حقنا .. بنسكت عنه .. ولما يضيع خالص نقول آه يا زمن جيت علينا وبهدلتنا ... والسكوت .. السكوت علشان خايفين ... اللي بتسكت عن تحرش ... اللي بتسكت عن ظلم جوزها ... اللي بيسكت عن قرف وظلم ف شغله ... اللي شايف انه في علاقة غلط ولما يفوق يبقي خايف من الطرف التاني ... اللي كاره الرشوة وبيدفعها وبيقول ماهو مش هتمشي غير كدا ... اللي كاره الواسطة وبيقول مالهاش حل غير كدا .... اللي كاره القرف وقلة الأدب في الأفلام والميديا والشارع وبيقول هعمل ايه ماهو ده التطور اللي قرفان من الزبالة في الشوارع وبينزل يقلد الباقي ويرمي هو كمان ويقول هعمل ايه ما كله بيعمل كدا ... اللي بيزني ويقول ضعفت اصل مفيش جواز ... اللي بتحب علي جوزها وتقول هعمل ايه منا مخنوقة وهو سايبني ... اللي عايش كدبة علي مراته وبيقول هعمل ايه عيالي .... كلنا عايشين الف كدبه ... وبنصدقها ... وبنكملها .... وفجأة ... كبرنا .. عجزنا .. راحت حياتنا .. والسبب .. ظلمنا نفسنا بالسكوت .... لما انا اسكت واقول عادي ... وانت تسكت وتقول عادي ... الحق مين هيطلبه .. الصح مين هيدور عليه ... 
|
|
العرض الشجري