تعلم من النسر

[walaa farouk]

باقف قدامه مبهور ..

قراراته من دماغه ..
ولما بييجى يعلم ابنه الطيران ..

بيرميه من فوق الجبل ..
وييسيبه يعافر ..
وقبل ما يقع .. يسنده ..

ايه الابوة دى يا اخى ..

بيطلع نفسه من اكبر مشكلة ممكن تواجه مخلوق ..
بينجى نفسه من الموت ..

بيعذب نفسه 150 يوم ..

يكسر منقاره بنفسه ..
ولما يطلع منقار جديد ..
ينتف بيه ريشه ..
ويقلّع ضوافره ..

ايه الجبرووووت ده ..
ليه تستحمل الالم ده كله ..
وطول المدة دى بتبقى لوحدك ..
وبرضه قرارك من دماغك ..

كل ده عشان تعيش؟ ..
كل ده عشان تبدأ من جديد؟ ..
كل ده عشان تثبت انك قوى؟ ..
كل ده عشان تقوم بالرسالة اللى اتخلقت عشانها؟ ..

كل ده عشان تتغير؟ ..
وياريتك مثلا بتتغير من سئ لأفضل ..
دانت بتتغير من حلو لأحلى ..

يا اخى دانا الحاجات الوحشة ..
باقف قدامها عاجز ..
واقول ..
اصلى مش قادر اتغير ..
والتغيير صعب ..
وتحديات التغيير ..
واوهم نفسى بكلام كتير ..
كلها مسكنات عشان مالومش نفسى ..

وتيجى انت بمنتهى البساطة ..

تعيش رحلة الم 5 شهور كاملة ..
عشان تقول ..

انا قادر احقق اللى ربنا خلقنى عشانه ..
انا قادر استخدم النعمة اللى ربنا اداهانى ..
انا قادر اكون "انا" ..

انا لو من التاريخ ..
كنت اديتك لقب .. ملك الحيوانات

#فى_عشق_النسور
#النسر_الملك