|
 |
 |
 |
|
رقم المشاركة : ( 1 )
15 - 05 - 2018, 09:43 PM
|
|||||||||||
|
|||||||||||
 ------------------------------------- للوهلة الاولي الناس تفكر ان الخوف علي البنات أشد وطأة من الولاد لكن ده مش حقيقي الولاد التأثير عليهم بيكون صعب جدااا بعد كده وبيدمر ٧٠% من حياتهم عشان كده هنقسم الشرائح العمرية : نبدأ من سن ٥ سنوات : واحنا مدخلين ابننا ال K J : ----------------------------------- ده سن الزراعة .. كل اللي هنزرعه في السن ده هنحصده بعد ٢٠ سنة ازااااي ؟؟؟ في السن ده الطفل بيكون عبارة عن ناقل للاحداث .. فبيجي يوميا يحكي لك عن احداث يومه . رد فعلك انتي كأم هيكون ايه بقا ؟؟ هيكون احكام تصدير فكرة ان كل البنات اللي معاك دي اخواتك * ماما انا ضربت فلانة ... ليه دي اختك وانت اخوها الولد هي رقيقة عشان بنوتة لازم بكرة تصالحها وتلعب معاها * ماما فلانة غايبة بقالها يومين .. طب مش هي زي اختك يلا نتصل بيها نطمن عليها من مامتها ونكلمها * حبيبي لما تلاقي زميلتك بنوتة طالعة الباص سيبها تطلع الاول عشان انت ولد ذوق * لما حد يعملك حاجة قول للميس بلاش رد فعلك يكون عدواني * في البيت بقا : خد اختك امسكها في ايدك واشتروا حاجة حلوة ... سيب بنات عمك ينزلوا الاول وانت وراهم عشان عينك تكون عليهم ... خد الحاجة دي قدمها للضيوف كل حاجة احنا بنقولها لهم بتتسجل في جهاز ريكورد عنده وده عادة سن الطاعة .. وانتي بتحيكي فيه نواة الرجولة والمسئولية . طيب كبرنا ووصلنا الابتدائي : ------------------------------------ فكرة ان ولادنا ميدخلوش تواليتات الاعدادي والثانوي دي امر يتنفذ بالقوة حتي . مفيش حاجة اسمها انك تغيري هدومك ادام ابنك باعتباره عيل .. التليفزيون مخلاش عيل فلازم انتي تزرعي فيه الحياء .. ونفس الحال بالنسبة لاخواته البنات . الرحلات المدرسية لازم يطلعها .. لأن الاختلاط بالجنس الاخر منذ الصغر بيكسر حدة الانبهار بيه بعد كده . وعادة احنا لسه في سن الولاد فيه لسه بيسمعوا . مرحلة اعدادي : -------------------- دي بقا بداية الاكشن . وهنا دور الام لازم ينحسر شوية .. ويبدأ ظهور الاب لازم كأب تمهد ابنك نفسيا للبلوغ .. لكن ده مش عشان خلاص بقا ديك البرابر ...... خلينا نتكلم معاهم كلام علمي منمق مفيش فيه احراج يعني : انت هيحصلك تغيرات في جسمك وشكلك عشان انت داخل علي مرحلة الشباب فلازم تكون راجل اد المسئولية وابدأ اشرحله تفاصيل بسيطة كفكرة عن الموضوع . هبدأ ابص بصة علي صحابه .. هاتهم البيت .. اعرف اهاليهم مين وسلوكهم ايه .. هبدأ اخد ابني معايا مشاوير البيت عشان يحس انه له دور وفرد من العيلة وعليه التزامات . هبدأ اتابع عصبيته او لا مبالاته .. مرحلة الثانوي : ------------------- دي بقا الاكشن كله .... اولا انا عندي الاختلاط بالبنات عادي فمش خايف من شغفه بيهم لأنه مش موجود . لكن المرحلة دي فيها خطرين ... اولا : ادمان العادة السرية وصور الجنس والافلام ثانيا : محاكاة الشذوذ " ومش بتكلم عن المثلية " ازاي انا اهرب من الفخ ده ؟؟؟؟ مفيش طرق علمية معروفة .. كل اللي توصل اليه علماء النفس هو محض معالجات وتهذيب نفسي عن طريق : اما تنمية موهبة او مهارة معينة ومساعدة الابن في تحقيق انجازات فيها او الرياااااااضة ... في وسط كل الغلا اللي احنا عايشينه ١٠٠ جنيه اشتراك چيم شهريا مش هتزعلني بس هترفع عني كتير اشتركله في چيم بحجة يبني جسم شكله حلو وصحته تكون افَضل .. هنا هيكون عنده منفذ تخريج طاقته وهدف كمان .. مش عيب اني اكون صريحة مع الكابتن واقوله انا عايزة احمي ابني من كذا وكذا مفيهاش اي حاجة بالعكس هيساعدك في المرحلة العمرية دي عزيزتي الام : ايااااااك تفكري تمدي ايدك عليه .. لأن ده هيعمل نتيجتين اما هيزق ايدك بغباء فأنتي كده انتهيتي بالنسبة له كشخص له هيبة او هيكرهك لأنك اهانتي رجولته وعلاقتكم تبوظ مرحلة الجامعة : ---------------------- انا معايا راجل اساسا اهوووو يشيل مسئولية بقا .. تعالي معايا نجيب كذا روح وصل اختك الدرس انت عليك كذا في مشاوير البيت لما بنسيب ولادنا ينفصلوا عن وجودهم في البيت بيخرجوا برا مدار الاسرة . طب ابني بيحب ؟؟؟ مخاطبتك لرجولته شئ هيغير فيه لو فيه شئ مش سوي . متأخرهاش عن الساعة ٩ .. متمشيش بيها في شارع ضلمة .. متطلبش منها طلبات تخوفها منك زيها زي اختك .. متكلمهاش متأخر وتجيبلها الكلام كرامتها من كرامتك اصل احنا مش هنمنعهم .. لكن بنهذبهم نفسيا مهما كنتي عصبية اوعي تزعقي له .. ومهما عمل اوعي تقوله روح بات برا ................. ميبقاش ابني في حضني وارميه لغيري . في مرحلة الجامعة المجتمع فتح اوي مننا .. ألمه ازاي ؟؟ ما تجيب صحابك يتغدوا عندنا اليوم الفلاني عينك هتفرزهم واحد واحد . وبلاش كل ما يكلم بنت في الفون .. اااه دي بقا المزة !! بالعكس نمي فيه فكرة البنت زي ما نفعت تكون اختك وقريبتك تنفع صديقة ......... البنت تنفع تبقا حاجات كتير ودايما في السن ده الام لازم تحسس ابنها انه مهم في حياتها ------------------ في بقا حاجة : انا اعلم ابني يلم لعبه .. كتبه .. يعلق هدومه بس انا احضرله اكله .. اهتم بتنسيق مظهره ابني لازم دايما حاسس انه محتاجلي عشان يفضل دايما موجود مساحة التفاوض بينا موجودة . الموضوع مرهق جداااااا .. بس مش بالساهل فكرة انك اب و ام . 
|
|
العرض الشجري