| |
|
|
|
|
|
||||||
|
|
أدوات الموضوع | انواع عرض الموضوع |
|
#1
17 - 11 - 2017, 11:09 AM
|
||||
|
||||
 اكتر حاجة بتمنع الحب هى " اصحابه " ... لما يبقوا خايفين من اللى جاى فى حياتهم فيرفضوا الحب .. لما يبقوا مش واثقين من قدرة قلوبهم على اسعاد قلوب غيرهم فيرفضوا الحب ... لما يبقوا فاكرين ان نجاح علاقتهم مرتبط بظروف او بتوقيت او باحداث مرتبة عشان علاقتهم تمشى فى الطريق المناسب لنجاحها فيرفضوا الحب ... والحب اصلا مش كدة .. الحب لما بيدأ ... بيسرح جوانا ومبنقدرش نمنعه .. الحب بيعرف يتغلغل لعمقنا... حتى لو كنا ظاهرين بمنتهى الهدوء على السطح قدام غيرنا .. لكن ممكن عمقنا يكون فى منتهى العشق ... وحتى لو رسمنا حدود و اسوار قصاد اللى بنحبهم هيفضل الحب قادر انه يدخلنا ويقتحمنا ويوصل لقلوبنا ويستكمل احتلاله لكل خلية فى مشاعرنا وفى افكارنا ... عشان الحب الصادق فى القلب الصادق ضعف بيقوى العاشق على نفسه فيدوب اكتر فى مشاعره .. وعشان كدة لما هحبك مش همنع الحب عن انه يضعفنى ... لان ضعفى فيكى قوة للحب انه يستمر فى تغييرى للعاشق اللى يحارب كل الدنيا عشان حبه يفضل عايش ... وعن الخوف فى الحب ... فالخوف بيفضل ومش بيختفى .. الخوف رفيق للحب طول العمر .. بس الحب بيبقى اقوى من الخوف دايما ... والخوف اللى كان فى الاول من الغرق فى الحب فى بداية العلاقة يتحول لخوف من الخروج منه ... وتتحول كل طاقة القلوب فى اتجاه ازاى نقدر نحافظ على حبنا وصدقه ... وعشان كدة انا مش خايف من انى احبك .. انا خايف انى محبكيش ... وساعتها بس هكون خسرت وجود اجمل واصدق قلب جنب قلبى ... ولما احبك هخاف اكتر عليكى وعلى حبك عشان اللى هحسه معاكى هيكون نوع من البهجة المختلفة اللى تستحق الصلاة برجاء لاستمرارية وجودها ... وعن عدم الثقة فى انك فى عيونى فى يوم ما مشوفكيش جميلة .. فانا فى هروبك و خوفك هشوفك جميلة ... وفى ضعفك وحزنك هشوفك جميلة ...وحتى لو عينيكى مرهقة من كتر السهر او دبلانة من كتر الاستغماية عن الواقع فى النوم هشوفك جميلة ... حتى لو صوتك متغير عشان البرد كان حاضنك ولو ملامحك متكشرة عشان الحزن كان ساجنك برضة هشوفك جميلة .. ولو كنتى فى منتهى العشوائية فى تفاصيلك ولو كنتى ردود افعالك على كلامى غريبة ولو اتعصبتى على ابسط الاسباب منى ولو قولتى عن قلقك من اغرب الاشياء برضة هشوفك جميلة ... لان الايمان بالجمال اللى جوة القلب اهم ... لان الايمان بالجمال بالنسبة لى عقيدة .. وانا مؤمن بيكى .... فالحب مفيهوش نجاح ولا فشل .. الحب حياة كاملة بكل تناقضاتها ... بكل غموضها ووضوحها .. وبكل جمالها وعذابها .. وبكل بهجتها ووجعها ... لكن حياة تستحق انها تتعاش للاخر بكل اللى فيها بدون التفكير فى احتماليات نجاح او احتماليات فشل .. الحب جهاد لاخر نفس جواك مع الشخص اللى بتحبه بصدق ... مهما اتغير ... مهما اختلف .. هتفضل تحبه ... من غير اى لحظة ندم ... وقتها لازم تدرك انه يكفى انك حبيت .. فلو بس حبيتى وعرفتى وحسيتى معنى ان قلبك يبقى فى حضن قلب تانى .. معنى ان نظرة عيونك ودفا سلامك وصدق اهتمامك يبقى رقصة حميمة ومبهجة لكيان غيرك ... معنى ان روحك تبقى دايبة فى روح حبيبها ... معنى انك تبقى طايرة ولامسة السما وانتى لسه على الارض ... معنى ان جواكى فى انكساراتك وهروبك واحزانك مسنود من كيان تانى ... لو بس حبيتى هتعرفى ان الحب يستحق مننا فرصة للحياة فيه وبيه 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| لكن الله لم يتخل علانية عن الثلاثة فتية، كما لم يتخل عن المكابيين سرًا | Mary Naeem | أقوال الأباء وكلمة منفعة | 0 | 19 - 10 - 2022 06:36 PM |
| دخول اللجنة يبدأ من 8 صباحا حتى 9 والامتحان يبدأ 10 | Mary Naeem | قسم الأخبار العالمية والمحلية | 0 | 20 - 06 - 2020 12:34 PM |
| جبيل | Mary Naeem | قسم سياحة عالمية | 0 | 12 - 02 - 2020 03:41 PM |
| يتيم يعطف على يتيم ! | morcos20 | ركن أرشيف المواضيع | 1 | 17 - 01 - 2018 10:29 AM |
| يتيم يعطف على يتيم ! | morcos20 | قسم المواهب المسيحية | 7 | 22 - 01 - 2016 02:13 PM |
العرض الشجري