أنا عايز

[walaa farouk]

لو قدامك ورقة فاضية هتكتب عايز إيه؟

كل حد مننا لو جاتله فرصة يطلب اللي بيتمناه هيكتب لستة طويلة أووووي، بكل حاجة نفسة فيها أو بيحلم بيها، سواء مادية أو معنوية، لأن كلنا عندنا أحلام وأماني لينا وللي حوالينا… حتى الأطفال عندهم أماني.

تخيل بقى لو طفل بيحب حاجة أوي ونفسه فيها، وأنت نازل وهو بيعيط عليك مش عايزك تمشي وتسيبه، فقولتله هروح أجيبلك الحاجة اللي نفسك فيها وجاي، طبعا الرد المتوقع أنه ينبسط ويفرح، لكن لو الطفل ده قالك لا أنا عايزك أنت سواء أنت كنت بابا أو ماما أو أي حد قريب منه، بمجرد ما تسمع الكلمة دي غالبًا هتسيب أي مشوار عندك وتقعد معاه ، لأنه أختارك أنت مخترش الحاجات اللي بتجبها،وطبعًا هتكون مبسوط جداً،ومش قادر تعبر عن فرحتك بكلام، أصل الطفل ده شايف انك أفضل من الحاجات اللي بتجبها.

لستة طلبات

للأسف كل ما بنقعد مع ربنا بنحط لستة طلبات قدامه، مش بنقعد معاه نقوله أنا بس عايز أقعد معاك، أنا مش طالب حاجة غير وجهك وحضورك في حياتي، أكيد ربنا معانا كل وقت، لكن مهم يكون طلبنا أننا نحس بحضوره في حياتنا، مش بس كل طلباتنا مادية ومعنوية أرضية، صدقني أجمل طلبة ممكن تطلبها أنك تقول لربنا أنا عايزك أنت، أنا عايز حضورك في حياتي،أكون عايزه مش عايز الحاجات اللي بيديهاني،كده كده خيرة مغرقني ومش هيزول أبدًا، لكن أن هفرح بحضورة في حياتي لما يكون طلبي وجهه.

[Mary Naeem]

لكن أن هفرح بحضورة في حياتي لما يكون طلبي وجهه.
ربنا يبارك حياتك

[walaa farouk]

ميرسى على مرورك الغالى مرمر