|
 |
 |
 |
|
رقم المشاركة : ( 1 )
07 - 05 - 2016, 09:40 AM
|
|||||||||||
|
|||||||||||
 شاب طول الوقت شاعر انه خاطى ووحش وربنا زعلان منه حسب كلامه انه بيمارس عادات تغضب قلب ربنا مش افعال لكن بأفكاره تعب وييأس من حاله كل يوم بيكرر نفس صلاته يارب اشفينى من الضعف ده من مرض الخطيه ده عايز ارضيك وافرح قلبك لكن الخطيه هيا هيا ....جواه مخافه الله بس حبه للشهوه والخطيه موجود مش قادر يسيطر على نفسه وابليس مسهله كل حاجه ومديله الف سبب انه يخطى ................. جه يوم خميس العهد زى كل سنه اشترى صليب من الورد وهو فرحان انه بيحاول يقدم حاجه يعبر بيها لربنا انه بيحبه ((الصليب فى الصوره على الشمال )) وراجع فرحان والصليب متغلف وفيه قلب احمر وهو مستنى الصبح عشان يروح يحضر البصخه .. ويفاجأ الصبح ان الصليب دبل الورد مال وقرب يقع وحسب كلامه وهو فى التاكسي رايج بيه بيقولو يارب عارف انك مش قابل منى اى حاجه حتى عطيتى البسيطه عارف انى خاطى ووحش وتعبتك وجرحت قلبك كتير هاتقبله ازاى منى ويبص تانى للصليب ويلاقي ان الورد الاحمر هو المفتح وكانه لسه مقطوف ويقول بقلب خاشع اعتبر الوردتين دول قلبي اللى بيحاول يرضيك اقبلهم منى وساعدنى مازعلكش تانى . بس كانت نفسه مكسوره ان الله رافض عطيته ودبل الورد وراح بخشوع ويدخل الكنيسه ويلاقي صلبان من الورد تخطف البصر من الجمال والنداره بتاعه الورد اصتصغر عطيته وزعل انه كمان دبلانه وحط الصليب جنب الصلبان الكبار اللى وردهم مفتح ورجع قعد ونفسه حزينه وبعد ماصلى يفتح عيونه يلاقي اخدو الصليب بتاعه من وسط الصلبان اخدو الصليب الدبلان وعلقوه فوق رايه سوده كبيره فيها صليب مدهب وحطو الصليب المدهب فى خلف الصليب الورد الدبلان والغريبه ان فوق فى وردتين محنيين وتغرق عنيه بالدموع مع الشكر ازاى يارب بتقبله منى انا وهو دبلان كده شبه حالتى الميؤس منها وكأنه مشهد الصليب فعلا بيتكرر والرب حانى راسه وبيقوله يابنى انا جيت عشان الضعفا انا حملت كل اثامك على الصليب ودفعت الحساب كامل هنا لا شئ من الدينونه الان عليك طول ماقلبك مرفوع ليا ويلفو بالصليب الست صلوات ويفضل مرفوع طووول اليوم فى اعظم يوم اندفع فيها حساب البشريه بالاكمل وكأن الله بيعيد نفس كلماته يابنى انا اخترتك واخترت تقدمتك فى اعظم يوم فى السنه فى اكبر كنيسه فى بلدك وسط كل البشر بعلن انى بحبك واخترتك وقابلك بضعفك وان كنت شايف نفسك لا تصلح واناء ضعيف انا شايفك ابنى الحبيب اللى هاعمل من ضعفه قوه وفى الاخر هاتكون معايا .......... الله الوحيد اللى بينظر للقلب الله الوحيد اللى عارف خباياه وقابلك بكل عيوبك هو طلب منى اكتب اللى حصل معاه وبعتلى الصور وبيقول رساله لكل اللى يشبهوه اى ان كان ضعفك او وقعاتك او حبك للخطيه . الله حابك وقابلك ويقدر ينضفك زى ما بينضف فيا وبيقبل منى رغم انى مش قابل نفسي وخايف اموت ماشفوش واروح جهنم صوته واضح الرب يسوع مختارنى بضعفى بعجز حالى بمحاولاتى الفاشله فى انى ارضيه المهم نحاول ونحارب الخطيه حتى لو كل مره بنسقط المهم نقوم لان الله معين الله بيحبنى من غير مقابل عمل النعمه شغال وصوته كل صبح يتجدد انى عايش فى عصر النعمه وان رحمه وخير يتبعونى طول الايام معاه لا تشمتى بي يا عدوتى ان سقطت أقوم اذا جلست فى الظلمه فالرب نور لي ((عايزه اقول للشاب ده . ربنا بيحبك بيحبك بيحبك بدون مقابل قابلك زى مانت رغم انك بتعزب نفسك كل يوم ومحسسها انها وحشه . الله بيحب نفسك والوحيد وسمح بالضعف ده لقصد هاتفهمه فى وقته كمل معاه الله بيحارب عنك )) 
|
|
العرض الشجري