الشتاء الاخير

[+ابن الملك+]

فـ ليله مـ الشتا الحزين
وقتها السما بتبكي
كنت تاية .. كنتِ فين ؟؟
-كنتِ بعيده عن مدينتي
لو وحشتك والقلب مايل
ابعتي فـ بحرك رسايل
واحكي ع الي بيبقي فيكي
قوليله اني كنت سندك
وان حتي فـ وقت زعلك
ببقي حاسس بالي فيكي
قوليله اني كنت ظهرك
واني كنت فـ وقت سهرك
نجمه فوقك بتراعيكي
كنت سندك وقت ضيقتك
كنت اهلك وكنت عيلتك
وسط زحمة البيوت
مزيكا هاديه فـ وقت خوفك
بحس بيكي وبظـروفك
حتي قبل اي صوت
كنت حضن بيحتويكي
حتي من نظرة عنيكي
ببقي قدامك مراية
فات الشتا بكل الي فيه
نهاية ليل واخرة ما فيه
انها كانت النـهاية..