حكايه موزه :.....

[Rena Jesus]

حكايه موزه :
كانت الموزه المتمرده علي حياتها متعلقه مع صاحبتها عند الفكهاني الطيب ،
اتخنقت الموزه من احساسها انها مجرد فاكهه تقليديه ،
فجأه قررت تقشر من علي جسمها حته علشان تحس باختلافها وتشوف جمالها.

الدبان (اللي هو الذباب)حشره موجوده في كل حته ،
واحد من الدبان المحترف ابتدي يلاحظ الموزه المختلفه ، ابتدي يقرب بحذر ،
الموزه العبيطه افتكرت انه زبون مهتم وهايقدر قيمتها،
غلبانه اوي الموزه دي كان حلمها زي اي موزه حد يقدرها ويديها الأمان والبيت ،
لكن قله خبرتها ماخلهاش تفهم ان فرق كبير بين الانسان اللي ممكن يقدر ويدفع وبين الحشره اللي بتدوق الطعم وتسرق القلب وحته من الجسم وتهرب ،

لسه الموزه الغبيه رغم السنين ماتعلمتش الدرس ،
لسه بتتخدع -بإرادتها- وفرحانه بكميه الدبان الرهيب اللي بيلمع في عنيها ويحوم ويقرب ويهتم ويوعد وفي الاخر يسرق ويهرب ،

صدقيني العمر بيجري والزبون المحترم موجود ومش هايشتري غير الموزه اللي صاينه قشرتها ،
والقشره مش شرط هدوم ولا غطا القشره افكار وقناعات وعقيده وتربيه وطريقه كلام ،
وحتي اخينا ده لو ريقه جري علي المتعريه مش هايشتريها لأنه شايف بصمات الدبان علي روحها، وفاهم ان الموزه المتعريه من جواها رخيصه زي الموزه المتعريه من قشرتها .