|
 |
 |
 |
|
رقم المشاركة : ( 1 )
02 - 03 - 2017, 09:30 AM
|
|||||||||||
|
|||||||||||
|
ازاي نحب نفسنا حب غير مشروط انا طبيعتي تلقائيه وحنينه ورومانسية جدا طبيعتي يعني طبيعتي الحاجه اللي بعملها من غير اي مجهود خالص والحاجات التانيه زي العقل والحكمه والعمليه موجوده بس ببذل شويه مجهود وانا بعملهم اول ما اتخرجت من الكليه واتجوزت واستقليت بحياتي وبدات اعمل مجتمع جديد بعيدا عن الناس اللي متعوده عليهم ومتربيه معاهم اتصدمت ان الحنيه بيتقال عليها مياصه والتلقائية بيتقال عليها خفيفه والرومانسيه بيتقال عليها حساسه اوي فبدأت اخفي الصفات دي واطلع للصفات التانيه اللي ممكن تكون مقبوله اكتر البنت القويه المتفوقه العمليه اللي بتذاكر وشايله المسئوليه وماشاء الله عليها عاقله كده وراسيه بعد شويه بدأت تندفن وتختفي اكنها مش موجوده وبقي الغالب الصفات المقبوله اكتر في عيون للناس اللي كانوا حوالليا في الفتره دي وعشان أتجنب الأذي والنقد وافقت اني اعيش بالشخصية التانيه اللي مكنتش اولويه عندي ودفنت أولوياتي وبعد شويه بدأت الشخصيه التانيه تنتقد برضه ومتعجبش لانها كمان اكيد مكنتش طالعه من القلب كانت طالعه بضغط وجهاد نفس طب ايه اللي يجبرني علي كده بتجنب الالم _ الم اني اتهم اني بستعرض لو جبت لحد هديه غاليه وانا كل اللي كنت بفكر فيه اني أسعده من قلبي _ ألم اني اتهم اني مدلوقه وخفيفه عشان بقول كلام حب كتير مع اني كنت ببقي حساه جدا مش بمثله _ الم اني مش بعرف أدافع عن نفسي عشان انا شكلي طيب والطيب محدش بيعمله حساب وبيجوا عليه لدرجه انهم ممكن يستلموني تريقه من اول القاعده لآخرها _ الم اني يتقالي ان حنيتي ده سهوكه عشان أوصل لحاجات عايزاها مع اني عمري ما طلبت حاجه ولا كنت وصوليه وكله بمجهودي علي طول موضع شك علي طول المميزات اللي طول عمر اهلي وأصحابي بيحبوها فيا فجاه بقت موضع انتقاد وسوء ظن ونظريه مؤامره سبت المكان اللي كان فيه الناس دي لاني مقدرتش أتحمل الأذي النفسي ده رغم انه المكان ده كان بيديني امتيازات كتير بس فعلا كنت بهرب من كميه الاختلاف اللي فشلت تماما اني اتعامل معاها في نفس الوقت ده بدات ألاقى نفسى وادور على الحاجات اللى بحبها ورجعت لي نفسي طايره مبسوطه بصحي بدري وبنام بدري مش ببطل قرائه وبحث الحب والحنيه والتلقائية والرومانسيه وبعدهم يجي التفوق والعمليه والعقلانية ورجعت انسانه مليانه طاقه وحب وحيوية والسبب اني رجعتلي رجعت لنفسى الحقيقيه قبلتها زي ما هي شفت الحلو والوحش ومبقتش منزعجه من الوحش شفته فرصه اخد خبره واتحسن وابقي احسن نسخه مني انا مش من حد تاني متتغيروش دوروا علي الوقت اللي كنتوا حاسين فيه انكم احسن نسخه منكم وارجعوا لنفسكم الحقيقيه مش الوش اللي لبستوه عشان تعجبوا وبرضه معجبتوش ارجعوا اللمعوا متتطفوش💗 الحب_الغير_مشروط 
|
|
| قد تكون مهتم بالمواضيع التالية ايضاً |
| الموضوع |
| " جربوا أنفسكم: هل أنتم في الإيمان؟ امتحنوا أنفسكم" |
| ارجعوا إلي |
| ارجعوا اليا |
| يا اله الجنود ارجعنا |
| جربوا أنفسكم هل انتم فى الإيمان. امتحنوا أنفسكم . |
العرض الشجري