|
 |
 |
 |
|
رقم المشاركة : ( 1 )
14 - 02 - 2017, 09:11 AM
|
|||||||||||
|
|||||||||||
|
يعني ايه valentines؟ - يعنى كل مزة فجأة بقدرة قادر هيطلع لها بعد الظهر حصة مجموعة تقوية، درس، عيد ميلاد واحدة صحبتها، ميعاد مع دكتور السنان والخياطة والكوافير والفيلم الهابط دة.. دا لو مازوغتش يومها من المدرسة أو الشغل أساساً… - يعنى شنطتها هتتملى ميك أب وبرفيوم ويمكن لبس تانى خالص ناوية تلبسه في حمام أى كافيه فماتتخضوش من ظاهرة دخول البنات الحمام واختفائهم وخروج بنات تانية خالص منه.. - يعنى الهدايا مش لازم تزيد عن حجم شنطة ايدها لانها مش معقول تحشر دبدوب في هدومها وتبان يا اما حامل يا اما انوثتها اتفجرت فجأة.. - يعنى يا ابنى وفر بوكيه الورد وهات لها وردة واحدة لو أهلها مايعرفوش انكوا متربطين لانها في الغالب هتسحب وردة واحدة تخبيها في شنطتها علشان تحطها في أى كتاب (الطقس اللى ورثناة كلنا من الأفلام الأبيض والأسود) وترمى باقى البوكية في الزبالة بعدما ما تتصور معاة بالموبايل علشان تنزل الصورة على الفيسبوك والانستجرام وتقول للناس كلها جالى ورد آه والنيعمة وفى بنات هى اللى بتشترى البوكية لنفسها لزوم الصورة مش أكتر.. - يعنى لو جبت لها دبدوب كبير أو هدية كبيرة يبقى هتبات في عربيتها او عربية صاحبتها لغاية ما ربنا يكرمها بعد كام يوم لما تخترع لهم حجة وتطلع لهم باسبور يدخلهم البيت، إلعب على "ما خف وزنه وغلا ثمنه".. - يعنى بالنسبة للسناجل ممكن ياخدوا بعضهم ويخرجوا مع اصحابهم عادى جدا زى اى يوم بيتلقحوا فيه في اي كافيه ويجيبوا هدايا لبعض، يعنى هو الحب مقصور على الحبيب وبس؟؟ الحب أكبر من كدة بكتييير.. حبوا بعض.. حبوا نفسكوا.. حبوا الحياة.. وإنسوا حب الجنس الاخر لان على رأى أبو فراج "الدنيا مابتديش محتاج".. الحب دايما ييجى لما مانبقاش محتاجينه.. - Happy valentines day 😘 
|
|
العرض الشجري