|
 |
 |
 |
|
رقم المشاركة : ( 1 )
12 - 02 - 2017, 10:11 AM
|
|||||||||||
|
|||||||||||
|
بقالي سنين بفطر على عربية الفول اللي على آخر الشارع و محدش بيضايقني على الرغم من إن العربية بيقف عليها ناس من كل طبقات المجتمع ... و غالبا نفس الناس اللي بتفطر على العربية هما هما من سنين .. و بفطر في أمان الله من غير حتى ما حد يبصلي و لا يتنحلي ... (المرة الوحيدة اللي حد ضايقني فيها كانوا بنتين .. اه و الله بنتين) .... بقالي سنين لما باجي أتمشى بتمشى في شارع معين (مليان محلات) .. في البداية كانوا أصحاب المحلات بيضايقوني .. بس بعد فترة مش طويلة .. بطلوا يضايقوني ... بالعكس .. كانوا بيقفوا لأي حد بيتعرضلي ... و بمشي و أنا مطمنة ... لية واحدة صحبتي عندها سكوتر و كنت باخد رأيها في إني أجيب واحد (و جبته بالفعل بس اضطريت اني ابعيه لأسباب ما) سألتها عن المضايقات و لو كان فيه حد بيتعرضلها ... قالتلي في البداية اه .. بس بعد كده هية تأقلمت ... و بعد ما تأقلمت بدأت تاخد بالها إن الكويس أكتر بكتير.. و ان اللي بيوسعولها عشان تعدي كانوا أكثر بكتير من اللي بيرخموا عليها ... و ان اللي بيقلولها "برافو" عالطريق .. كانوا أكتر بكتير من اللي "بيتهكموا" عليها .... و مواقف تانية كتير بس مفيش داعي للإطالة .. كل اللي فهمته و أيقنته ... أننا (النساء) احنا اللي حطينا حاجز الخوف في عقولنا لما انسحبنا من ميادين الحياة و سمحنا "للجنس" الآخر أنه يرسخ في عقله أفكار ملهاش وجود من الأساس ... احنا اللي بطلنا نروح هناك .. و نمشي هناك ... و ناكل هناك ... و نركب عجل و سكوتر ... احنا اللي خلينا وجودنا في ال"ممنوع" و "الغير محبذ" يبقى مشهد غريب على العين و ساعات كتير بيرفضوا العقل من غير أي مبرر ... احنا اللي تعاملنا مع الراجل على أساس أنه كائن السلعوة ... و رسخناله فكرة أننا بنخاف منه و بنهرب ... انما في الحقيقة المجردة ... الموضوع أبسط من كده بكتير ... لما حد يبصلك شذرا ... بصيله في عينه بقوة و عرفيه أنك مبتخافيش .. و ان أي متر على الأرض دي من حقك أنك تمشي عليه و تمارسي حياتك عليه طالما أنتي مبتعمليش حاجة تئذي حد .... اثبتي وجودك في مجتمعك ... خلوهم يتعودوا يشوفوكي في كل مكان بفساتينك و طلتك الحلوة ... رجعي حقك اللي اتاخد منك يوم ما قررتي تمشي جمب الحيط و تخافي منهم .... لما تلاقي بنت بتتخانق .. اقفي معاها .. جمبها ... دافعي عنها ... حسسيها أنها مش لوحدها ... خليهم يشوفوا أنها مش لوحدها ... و أننا مش هنسكت لو حد فكر يسلب حريتنا ... و يخوفنا أننا نعيش أبسط مظاهر حياتنا .... مش لازم تبقي ساكنة في كومباوند عشان تركبي عجلة و محدش يضايقك ... مش لازم تلبسي لبس شيك و نضيف اوي و انتي نازلة أماكن معينة بس ... مش لازم تتحرمي من أي حاجة لمجرد أن محدش عملها قبل كده .. و غير "مألوفة" للمكان .... أعتقد دي أنجح طريقة ممكن نرجع بيها حقنا ... أننا نفرض عليهم الواقع فرض .... غير كده ... و الله و لا ميت ألف سنة هتعمل أي تغيير .... !!!!! احنا_التغيير الراجل_مش_سلعوة أنتي_قوية دافعي_عن_حقك cpd 
|
|
| قد تكون مهتم بالمواضيع التالية ايضاً |
| الموضوع |
| خدي الراجل ده |
| بالأسماء.. إصابة 13 شخصًا بجروح مختلفة بعد مهاجمة سلعوة لهم |
| شكل الراجل |
| سلعوة تهاجم مجندى أمن مركزى |
| لو الراجل وقع |
العرض الشجري