| |
|
|
|
|
|
||||||
|
|
أدوات الموضوع | انواع عرض الموضوع |
|
#1
14 - 12 - 2016, 08:30 PM
|
||||
|
||||
|
شهر ديسمبر شهر تقفيل السنة .. شهر معقد مابين افراح واحتفالات و مابين ناس بتفارقنا .. شهر ضحك و خروج .. شهر بكا و حرقة قلب و من كتر مالواحد مش عارف يصنفة .. بيبقي حاطط ايدة علي قلبه و يقول عدي يا شهر .. عدي يا شهر احتفالاته و بهجتة و الوانة و موسيقاه و زينتة الجميلة .. حاجة كدة تشرح القلب 🌲🎄☃️❄️✨☔️🌟🎄🌲 و الناحية الغامقة بقي منه ... 🙄😏😓👻👎💔💔 ماحكيلكوش انتو عارفين تمام زي الصورة حاجة كده ربنا مايوري حد بس تعرفوا .. حتي الجزء الاسود و الغامق منه اه بنشوفه احنا اسود .. لكن اللي بيفارقوا كوكبنا و بيخلصوا رسالتهم هنا و بيتمموها اتصور بيشوفوه ( تحرير كامل لكل قيود الحياه ) فابالنسبه لهم هما سعاده و فرح وانطلاق و تحرير و كل ماتحمل المعاني من بهجة ممكن مايتوجدش كلام يقدر يوصف فرحتهم ❤️🤗🙏😄 لأنهم و صلوا لآخر الحدوتة ( والله اعلم ) من حوالي سنه و شويه حدود الساعة ٥ الفجر حلمت اني مت 😴😱 وإني موجوده في فضا كبير لونه لبني .. 😍😍فضا عينك ماتجبش اخره👀👀 .. حاجة كده غريبه المهم اول ماوصلت المكان ده .. مش عارفة احكيلكم ازاي .. 🙈😱😱😍🤗 علي كم البهجة و الراحة والسعاده والهدوء و الطمأنينة و الحرية و الانبساط و أحاسيس تانية اكبر و أقوي لدرجة مش عارفة ألاقي كلام ممكن يوصفها بلغتنا هنا حاجة كده فوق الخيال ( كأنه الجنه اللي بيحكوا عنها ) اوووف ❤️🤗 و كنت حاسة ان جسمي مش لامس الارض ( زي مايكون نص واحد بس ) طبعاً مافيش ارض ده مجازاً و كنت مش عارفة اذا كنت ست ولا راجل و كانت مشيتي و حركتي مابين العوم والطيران يا خراااابي علي الحريه 🙈🙈😱😍😍 خيال و المكان ده كان في ارواح تانية غيري كتير كتير اعداد مهولة و رغم ذلك مافيش زحمة ( لان المكان مهول و كبير و براح زي مابيقولوا ) فكل روح ماشيه في حالها في سلام حاجة تانيه مهمه : الأرواح كلها مافيهاش اطفال ولا كبار في السن تحس كل الأرواح في عمر الشباب في كل دين صوروا لينا السما بصور مختلفة و هيئات و أشكال الواحد كا إنسان يتمني بس يشوفها لكن الله اعلم مابين الصورة اللي اتصورت لنا و بين طبيعة المكان هناك لازم تجربة هههه 😅 المهم انا بقولكم ان شهر ديسمبر لما يجي افرحوا و ماتخافوش .. حتي النص التاني منه اللي بيوجع ده فقط من وجهة نظرنا لأننا بنفتقد كل نفس رحلت عننا و الخسارة كبيره مافيش كلام لكن افرحوا ليهم الله يابختهم دول وصلوا للمكان الأعظم هدوءاً و راحة و سلام و سعاده ❤️🤗❤️🤗❤️🙏😇😇 وده لوحده يدي لقلوبنا سلام و هدوء و تعزية انهم افضل منا حالاً بدل البهدلة اللي احنا فيها هنا الصراحة فا نصيحة : مانخافش .. و قول لنفسك .. يحصل اللي يحصل كله في الاخر هايرسي علي خير كله في الاخر هايكون علي افضل شكل و هيئة سنه سعيده عليكم 🤗🎄✨😘✨🎄 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| عزيزي ديسمبر احمل صلواتي طوال السنة وقدمها الي طفل المذود | walaa farouk | صور مسيحية وقبطية متنوعة | 0 | 02 - 12 - 2023 10:27 AM |
| Hello December اهلا ديسمبر اخر ملامح السنة | walaa farouk | قسم المواضيع المسيحية المتنوعة | 0 | 01 - 12 - 2023 08:24 AM |
| تقفيل الشغل وعمل سطر النهاية| تريكو | MenA M.G | البيت بيتى ، ابداعات المراة | 2 | 14 - 01 - 2017 06:23 PM |
| رسالة السنة الجديدة من يسوع - لمواليد شهر ديسمبر | sama smsma | صورة وتعليق | 0 | 05 - 01 - 2016 05:24 PM |
| عدد خاص من الكرازة السنة الأربعون | الجمعة 14 ديسمبر 2012م | 5 كيهك 1729 ش | العدد 7-8 | tito227 | قسم البابا تواضروس الثانى البطريرك رقم 118 | 1 | 25 - 01 - 2013 04:15 PM |
العرض الشجري