|
 |
 |
 |
|
رقم المشاركة : ( 1 )
19 - 09 - 2016, 02:56 PM
|
|||||||||||
|
|||||||||||
|
المهزلة!! تعالوا نحكى قصة اكيد كلنا نعرفها.. لكن ثوانى ... خلينى احكيهالك بطريقتي و نفهم منها حاجة مهمة اوووى فى تكوين 19.. لوط كان قاعد قدام بيتة .. بيته ده مش فى مدينة نصر؟ ولا مصر الجديدة ولا حتى فى التجمع... ده بيتة فى سدوم( ارض الشر كلها ) و كان قاعد قدام بيتة فا جم ملاكين عند بيت لوط فا سجد على الارض و طلب انهم يدخلوا البيت عنده و ياكلو باليل بقى حصل ايه؟؟ اشرار المدينة اتجمعوا حوالين بيت لوط و عايزين الرجلين اللى عندة يخرجوا.. الله اعلم لية.. هل عايزين يقتلوهم؟ يمكن ايا كان السبب طبعا لوط طلعلهم بره و قالهم كلام غريب اوي!! قالهم بصو بقى( انا عندى بنتين عذاري مفيش راجل لمسهم) خدوهم اعملوا فيهم الى انتو عايزينو لكن ملكوش دعوة بالرجلين الى عندى دول!! طبعا لوط كان مفيش عنده لا حكمة ولا تمييز ولا اى حاجة انه يعمل كده اصلا!!! و ده طبعا بسبب انه قاعد و ساكن وسط الاشرار... ما علينا. خلينا نكمل الناس قالوله لا فا الملاكين فتحوا الباب و شدو لوط لجوه و ضربوا الناس بالعمي فا معرفوش طريق الباب فين الملاكين قالو للوط اهرب علشان احنا مهلاكان المدينة دى فا هات اهلك و ياله نمشى من هنا ومع طلوع الفجر كان لوط بيعمل ايه بقى؟؟ ( بيتلكع) بص الكتاب قال ايه: ولما طلع الفجر كان الملاكان يعجلان لوطا قائلين قم خذ امراتك وابنتيك الموجودتين لئلا تهلك باثم المدينة. ولما توانى امسك الرجلان بيده وبيد امراته وبيد ابنتيه لشفقة الرب عليه واخرجاه ووضعاه خارج المدينة. الملاكين عارفين رحمة ربنا على لوط و خايفين علية و بيشدوا لوط علشان الله كان خلاص قرر انه سدوم تتحرق بالنار تماما شايفين لما بنبقى بعيد عن ربنا بيحصل ايه؟؟؟ جزء تانى كمان... لما بنكون فى مكان غلط ... او ممكن حتى حاله غلط ربنا اوقت بيبعتلها ناس تساعدنا نخرج من المكان ده او نخرج من الحالة الوحشة او الخطية الى احنا فيها.... هااا ركز معايا كام مرة ربنا بعتلك حد يخرجكك من العك اللى انت فيه او من حالة الخطية الى انت فيها؟؟ الملاكين سحبواااا لوط من ايده علشان بطيئ اوووى و ربنا قراره لازم يتنفذ خد بالك من الناس اللى ربنا بيبعتهالك علشان تساعدك انك تخرج من المصيبة اللى انت حاطط نفسها فيها هااا ركز شوية الحق اطلع من المكان الى انت فيه او حالة الوحشه اللى انت فيها علشان النار هتيجى عليك لكن ربنا عايزك تخرج بسرعة لو عندك عقل و مخ و اذن للسمع فلتسمع 
|
|
العرض الشجري