الخدمة وإخفاء الذات

[walaa farouk]

في بعض الاحيان خدمة الخادم بتكون مُتعلقة بشخصه وسلوكه ومواهبه
المُعطاة له من الروح القدس ، فمينفعش يطمرها بدعوي اخفاء الذات !!
واعظ او مُرنم مثلا ً خدمته تتعلق بظهوره فمينفعش يخفي نفسه ويلبس نقاب مثلا ً !!
لكن علي الاقل قلبه يكون مليان اتضاع وعارف ان مواهبه دي وزنة ( ليست ملكه )
لكنه يتاجر فيها لحساب المسيح ، ( و ليس لحساب ذاته ) .
والاختبار يكون هل قلبه ونيات قلبه كلها متوجهة نحو مجد الله ؟
ولا اخد المجد لنفسه من الخدمة وطالب مجد وشهرة ؟
ولا بيستغل الموهبة اللي ربنا اداهاله في غير مجد اسم المسيح ؟
والاخفاء يكون بانكار الذات داخل القلب ، وسلوك وديع مُتضع مع الجميع ،
ليراكم الناس فيمجدون اباكم الذي في السموات .
ويكون في كل فعل او قول او عمل في قلبه وفكره وقوله ينسب المجد لله .
وفي الحالات دي فعلا ً المعادلة بتبقي صعبة والاختبار يومي ،
والحروب متجددة . ربنا يسندنا كلنا ويدينا نعمة .