عايز كل الشباب والبنات في المناقشه دي ومش تتدخلوا تتفرجوا

[روشا الفرفوشه]

انا جايبكوا الموضوع ده عشان اعرف رايكو بس فى الى بيحصل فى الحب ده
تيجى نبدا من الاول خالص
بيكون تعارف جميل اوى وقلبين صافيين جدا جدا
وبجد كل واحد شايف التانى الملاك الى بينورلوا حياته وانه عايش دنيته
دى كلها على امل الامل ده هو حبيبه الى قصاده
لحد دلوقت جميل ؟!
بدأنا الحب وعايشين اجمل وارق ايام
هنا السؤال الى محيرنى اوى
ليه دايما دايما لما حد بيزود شويه او بيبالغ شويه
فحبه للتانى بيكون هو ده دايما سورى فى اللفظ "العبيط "
او الى شخصيته بتنزل من نظر الى قدامه
وتبص تلاقى الشخص التانى بدا فى التعالى وبدا فى التقل "**quot**quot; التقل"**quot;
والكلمه دى انا بكرهاااا جداا
بس بجد صدقونى ماشيه كده
الى بيخلص اوى فحبه او بيبالغ فيه الشخص التانى بيتقل عليه
حس بقى انه واقع وانه هيموت لو ماشفينيش انا بقى استنهز الفرصه دى واتقل عليه شويه
طب ليه كده ليه ما اعكسش النظريه دى واخلص فحبى ليه
زى ماهو مدينى حنان ورقه ومبالغه ايه يعنى هو يزود
اهتمامه بيا انا كمان ازود اهتمامى بيه
ايه يعنى هو دايما بيحب يشوفنى كل يوم كل ساعه ليه انا كمان محبش اشوفه كل يوم وكل ساعه
ايه يعنى هو دايما بيتصل بيا كل دقيقه ليه انا كمان ما اكلموش كل ثانيه
وليه وليه وليه ..............؟
بس للاسف الى بيحصل ان الشخص التانى لما بيلاقى حاجه زى كده
بيتغر شويه وبيتقل شويه وبيتعالى شويه
وطبعا الشخص الاخر يلاقى تقل وتعالى يقوم هو كمان يهدى قلبه شويه ويبتدى يتقل زيه هو كمان ونبتدى بأه
انت مش بتتصل لا انتىانت مش معبرنى لا انتى
انت كرهتنى ولا ايه لا انتى
ونبتدى نتلكك لبعض ويكون سبب فى ضياع حب جميل صافى
عارفين تستنتجوا ايه من الموضوع ده
ان الى بيحب اوى بزياده ومبالغه كده هو بيتسبب فضياع الحب ده
نفسى اعرف ليه مش نقابل الحب بالحب ؟؟؟؟؟؟؟؟
صدقونى الحياه تبقى اجمل بكتير اوى

منقققققققققققققققول

[martina fathy]

ميرسى على مشاركة رائعة

[كاترينا]

كلامك صح يا قمر
هو دا فعلا الي بيحصل
دي حاجة مؤلمة جدا بس معرفش السبب اي يمكن يكون الشخص الي بيتقل دا فاكر انو الشخص التاني بيحبو اوي ومش ممكن يتخلى عنو ابدا ولا ممكن يخف من الحب و كأنو ضامن انو هو ليه
بس بتكون النتيجة عكسية للأسف زي ما قلتي حضرتك

اكيد الحياة تبقى اجمل بكتر لو قبلنا الحب بالحب
ميرسي روشا على الموضوع المميز
بجد موضوع مهم جدا ومحتاج مناقشة
ربنا يبارك خدمتك يا حبيبتي

[femon]

موضوع رائع
وهسألكم خبير القلوب وهرد عليكم

[yousssf]

عقليات بعض البشر عايزه اوكسجين وهيدروجين

محدش يستاهل حب غير لو عملنا معا دله كيميائية

[walaa farouk]

فعلا كلام صحيح
ميرسي على مشاركتك الجميلة

[Rena Jesus]

عشان احنا ما نعرفش يعنى ايه حب بجد اصلا
انا شايفه اللى قدامى بيدى يبقى خلاص بتعود وبعتبر ان ده امر واقع
وكتير منا مش بيحس باللى بيتعمل عشانه غير لما الطرف التانى يبطل يعمل ده

[Mary Naeem]

اكيد الحياة تبقى اجمل بكتر لو قبلنا الحب بالحب
ميرسي روشا على الموضوع المميز