| |
|
|
|
|
|
||||||
|
|
أدوات الموضوع | انواع عرض الموضوع |
|
#1
15 - 12 - 2016, 06:05 PM
|
|||
|
|||
|
كنت واقف من بعيد
حاسب وقتك بالثواني حاسب إمتي راح تخش علي النفوس و ع المباني ! عارف إنك راح تقابل ناس في حالها واقفين يصلوا شايل سلاحك و القنابل شايل جواك قلبك و شره ! دخلت جوة ... سمعت قوة .. صوت صلاة ناس بتعبد الإله ... ناس في حالها ... مش في بالها أي كره و أي شر دخلت بصيت ... ع البشر سمعت إية خلاك تفكر ؟!! إنك تعذِّب ... أو تفجّر ده انت لو قلبك حجارة ... كنت دُبت ! كنت تُبت لأجل الطهارة لأجل البراءة و الخشوع لأجل البخور ويا الشموع لأجل الدموع ! لأجل طفلة واقفة تصلي بكل حب علي شعرها محطوط إيشارب .. هو انت داخل معركة من جوة حرب ؟؟! دخلت جوة بالقنابل ... و بشرور متأصلة دخلت وسمعت بودانك .. صوت تسبيحهم و الصلاة ! قررت تقتل الملايكة .. و الزهور قررت تواجه بضلمتك .. أقوي نور بس اللي انت ماتعرفوش و ماعشتهوش و مادوقتهوش .. إن احنا عايشين بيه و ليه و إن الموت بنشتهيه ... معني .. انت ماتفهموش !! الصليب فوق الكتاف و الوعد : مش ممكن نخاف أيوة نتجرح و نحزن ... أيوة نبكي بالدموع بس الإيمان فوق الألم مرفوع ! فوق الوجع بندوس ... أصل السما في قلبنا أعظم من كل الكنوز !! و الموت ف عينينا مكسب مش خسارة ... أصل السما فرحة و طهارة في السما راح نرنم بالسرور راح نعيش من غير شرور و لا غرور .. ولا أي غل أو ضغينة ... بس نور في السما مفيش ألم و لا تعب و لا زعل .. و لا غضب !! ... بس حب السما .. فوق تصور أي قلب ! السما درجة عالية من النقاء عشان كده تلقي الموت بالنسبة لينا هو شهوة و اشتياق !!! #Reham_Zaher 11/12/2016 #مذبحة_البطرسية 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| تعالوا يا مباركى ابى رثوا الملكوت المعد لكم | walaa farouk | صورة وتعليق | 4 | 18 - 06 - 2018 07:44 PM |
| تعالوا يا مباركي ابي | Mary Naeem | صورة وأية من الكتاب المقدس | 5 | 13 - 06 - 2017 03:31 PM |
| تعالوا يا مباركي ابي | Mary Naeem | صورة وأية من الكتاب المقدس | 0 | 20 - 02 - 2015 05:33 PM |
| تعالوا يا مباركى أبى | تصميم | Ƒ̐ὰ̗đƴ | تصميمات وابداعات الأعضاء | 2 | 07 - 02 - 2015 02:52 PM |
| تعالوا اليى يا مباركى ابى | abraam | صورة وأية من الكتاب المقدس | 0 | 12 - 09 - 2013 11:45 AM |
العرض الشجري