كلمات ترنيمة صورتى عندك صورة جميلة

[محتاجه لايدك ياربى]

1-صورتى عندك صورة جميلة..رغم انى خاطى عنيد
صورة قداسة صورة طهارة .. رسمتهالى بأحلى ايد
صورة فى فكرك مش فى الحقيقة .. كانت حقيقة فى يوم عمادى
يوم بعد يوم كترت همومى.. زادت ذنوبى شوهت لى الصورة

قرار
رجعنى تانى لشكلى الاولانى..البسنى تانى حلتى الأولى
خلينى شبهك على صورتك ورسمك..رجعنى تانى للمسيح ايقونة

2-حرت فى حياتى وماشى ادور..من كل انسان على فضيلة
لا عارف ابقى زى غيرى..ولا عارف اعمل من نفسى قيمة
وناسى ادور على صورتى عندك..اكشف جمالها فيها جهادى
اعمال عظيمة من وقت ازلى..اعددتها لى مرسومة فى الصورة

3-صورتى عندك مرسومة بدقة..من وقت ازلى قبل ميلادى
فيها كل تفاصيل حياتى..من يوم ميلادى حتى مماتى
اعددت ليا غلبة على الخطية..على كل سقطة ما انت قارب نجاتى
اقدر احارب كل التجارب..بسيف ايمانى مرسوم لى فى الصورة

4-ياللى بتقبل كاس مية بارد..فلسين خمس خبزات سمكتين
رطل ناردين من مرأة خاطية..خد من ايديا.. ليك عندى دين
اقبل حياتى..قلة قدراتى..ضعف مواهبى ده انا صفر اليدين
بس بحبك من كل قلبى..ده انت الهى ماليش سيدين