من انا لتضحي من اجلي

[Mary Naeem]

من انا لتضحي من اجلي

فى يوم كان فى واحد لية رتبة كبيرة فى الجيش جاء يوم وخان جيشة وقال بعض الاسرار للجيش العدو وعرف جيشة بسرة

وبمشكلتة واتحكم على الراجل دا بالموت بالضرب بالرصاص تانى يوم لما جرس الكنيسة يدق ساعتها هيموت الراجل تمن

خيانتة لجيشة وافشاء اسرارهم , زوجتة عرفت بالامر وزعلت جدا وحزنت حزن جامد جدا وقالت لازم تعمل حاجة من اجل

انقاذ زوجها مع انة خائن لبلدة , وعرفت ان انقاذ جوزها بان جرس الكنيسة مايدقش باى طريقة تانى يوم واعد تفكر ازاى

تخلى جرس الكنيسة مايدقش ومايعملش صوت , فكرت الزوجة انها تطلع عند الجرس وتستنى الراجل الواهب حياتة فى

الكنيسة لهذة الوظيفة اتفاجات الزوجة ان الراجل دا , مابيشوفش ولا بيسمع ولكنة اتعود على الصعود لرن جرس الكنيسة لمدة

خمس دقائق وينزل فوقفت الزوجة وجتلها فكرة انها تحط ايدها على جانبى الجرس بحيث لما يدق الجرس الجرس نفسة بدل

مايخبط فى الحديد يخبط فى ايدها هى فيمتص الصوت وبكدة يتنقذ زوجها , وقفت الزوجة وهى عارفة ان الجرس دا لو خبط

فى حاجة بيسحقها لانة من مادة صلبة جدا فحطتت ايدها والراجل طلع ودق الجرس ومن كتر ماكان بيصدم بايدها ومن كتر

الدم اللى نزل من ايدها ومن كتر مابقتش حسة بعظمها اللى اتسحق واتكسر وكل دا برضاها علشان انقاذ زوجها خلص

الراجل دق الجرس اللى اعد لمدة خمس دقائق بدون ان تشعرة الزوجة بوجودها ونزل الراجل ونزلت هى ايضا والدم تنزف

منها والدموع على خدودها كانهار وذهبت للقاضى تقول لة وحياة يدى التى ضاعت من اجل زوجى اتركة , نظر القاضى

اليها وكاد ان يبكى من تضحية الزوجة لزوجها فقال لها خذى زوجك لقد سامحناة من اجل تضحيتك لة واخذتة وذهبت وعظام يدها تكاد لا تكون موجودة فيها .

كل اللى شفتوة دا ميجيش ولو جزء بسيط من اللى عملة لينا السيد المسيح هو دخل المعصرة بنفسة من اجلنا , تحمل الالام من اجلنا , دفع تمن حريتنا من اجلنا , اوك بعد ماعرفت انة عمل كل دا من اجلى ومن اجلك ياترى انت ممكن ترد لية ولو جزء بسيط من حبة ليك فكر كدة ورد تانى على نفسك