تعليقات أهالى مجندين مفرج عنهم.. عبدالحميد: "عايز أقول للسيسي أبوغزالة رجع من تربته".. ووالدة أحمد: لازم أجوزه
بوابة الاهرام
قال والد المجند أحمد عبدالحميد، الذي كان مختطفًا ضمن السبعة جنود، إنه لايتمالك نفسه من الفرحة عقب إطلاق سراح نجله، مضيفًا: "أنا عايز أقول للفريق عبدالفتاح السيسي أبوغزالة رجع من التربة تاني".
وأضاف لـ"بوابة الأهرام" حيث يتواجد الآن في رفح: "لما بلغت أم أحمد بأنه أطلق سراحه، طارت من الفرحة، وهنعمل لأحمد فرحين، الأول علشان طلع بالسلامة، والتاني فرحه على عروسته إن شاء الله".
من جانبها، قالت والدة المجند أحمد عبدالنبي وهي تبكي: "أنا مش عارفة أتكلم، بس بنسجد لربنا شكر، وأنا خلاص لازم أجوزه، بنت تكون عارفة ربنا كويس".
وأضاف: "أحمد مكنش عايز يتجوز إلا لما يجوز أخواته البنات، لكن أنا لازم أجوزه علشان أفرح بيه وأنا عايشة".
وقال شقيق المجند أحمد عبدالبديع: "أنا بشكر الفريق عبدالفتاح السيسي، وعايز أقوله انت ربنا بعتك لينا من السماء، وفعلا الجيش المصري خير جنود الأرض، واللى مش عاجبه يشرب من البحر.. الليلة فرحتنا وكلكم معزومين".
22 - 05 - 2013, 10:49 AM
العرض الشجري