| |
|
|
|
|
|
||||||
|
|
أدوات الموضوع | انواع عرض الموضوع |
|
#1
31 - 01 - 2013, 07:53 PM
|
||||
|
||||
|
لو كنت انت يارب ....
 بسم الثالوث القدوس لو كنت انت يارب الحنان ؛؛فين قلبي الحنين اللي لما يشوف اي حد ميعودش يسال عن مستواه او دينه او مركزه ايه لو كنت انت يارب الحياه؛؛فين حياتي وسط كل الهموم دي فين انا اصلااا فين الحياه اللي كنت بوعدك بيها لما بكون في مشكله او ضيقه لو كنت انت يارب الطريق ؛؛فين طريقي في البلد دي هيبقي كله كده مظاهرات او خناق وفين الطريق اللي لما بكون في مشكله بوعدك انك همشي فيه مهما كان لو كنت انت يارب الحق ؛؛فين حقي في البلد وفين الحق اللي لازم اتكلم عليه انا كمسيحي ومصري لو كنت انت يارب اللي ماسك لساني وكلامي ؛؛قولي انا ليه مسكت ايديك اللي مسكاه وبعدين سبتها وقلتلك سيبه وبقي بعيد عنك خالص وبقيت انا بكل كبريائي وغبائي اللي بتحكم فيه لو كنت انت يارب ارادتي ؛؛قولي ليه بقت ارادتي معدومه وبقيت انا معدومه الاراده والعزيمه والحب قولي يارب ليه انا بقيت كده ليه مبقاش عندي حاجه ليه انا بقيت احس اني ضعيفه قدام اي حد قدام الشيطان والخطيه قدام نفسي وقدام حياتي ومذاكرتي واصحابي ضعيفه لدرجه متتصورهاش ضعيفه لدرجه اني مش قادره حتي افتح الباب عشان تدخل او حتي اقوم انظف قلبي عشان تدخل فيه او افتح رسايلك اللي بتجيني كل يوم او حتي اقف اكلمك او احكيلك عن حياتي ضعيفه لدرجه يارب متتوصفش لاي حد ومحدش يقدر يفهمها او يعرفها في الدنيا دي غيرك انت يا يسوع انت اللي عارف انت اللي بتسمع همسات قلبي انت الوحيد اللي عارف حياتي وطريقي وحبي وحناني راحوا لمين غيرك وقلبي بقي لحد غيرك انت عشان انت الوحيد اللي ممكن دلوقتي تسعدني وتساعدني وتحييني من تاني انت اللي ممكن تزرع فيا الامل من تاني انت اللي ممكن دلوقتي تقومني وتقولي اعمل ايه بالضبط تقولي ازاي ارجعلك واعمل ايه من تاني عشان تسامحني وتعاملني زي الاول عشان تديني بركه وكلام وامانه في وعودي وكلامي تديني اني اقدر اقولك اني بحبك بكل ما فيا بحبك من كل قلبي ومن كل روحي ومن كل نفسي وعقلي وكياني عشان اقدر اقولك اني مقدرش اعيش من غيرك من انهارده واني جربت الكل لقيت في قلبهم في جزء اسمه الخيانه مهما كان مين الكل بيخون وبيكره والحب بتاعنا ده مسيره يوم وينتهي الا حبك انت يا ملك الملوك ومحب البشر دائم وعمره ما يخلص ابدا وملوش حدود ارجوك يارب تسامحني وتمحي من قلبي كل كلمه اسمها لو انت يارب .....عشان انا علي صورتك ومثالك مهما عملت هارجع تاني وابقي علي صورتك ومثالك  
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| يارب اعطنا يارب روحك القدوس كي يمكننا من تحقيق رسالتنا | Mary Naeem | صلوات سهمية مسيحية | 0 | 07 - 05 - 2024 08:44 AM |
| وداد حمدي لكاميليا يارب تتحرقي والأخيرة يارب تنضربي بالسكين | Mary Naeem | قسم المواضيع العامة المتنوعة | 3 | 28 - 05 - 2018 10:49 AM |
| يارب يسوع المسيح يا من قولت تعالوا الى يا جميع المتعبين وانا اريحكم نحن بين يديك يارب | sama smsma | قسم الصلوات | 1 | 16 - 03 - 2014 09:31 AM |
| يارب يا من تسمع اولادك وتشعــــر بيهم محتجالك اوى يارب | شيرى2 | مواضيع وتأملات روحية مسيحية | 6 | 17 - 11 - 2012 08:27 PM |
| نصلى لكي يارب كى تستخدمنا يارب لنكون صناع سلاما ودعاة حرية | Magdy Monir | قسم الصلوات | 4 | 18 - 07 - 2012 08:05 PM |
العرض الشجري