انــــــــــــــــــــــــا

[روشا الفرفوشه]

انا المدمن ل"كنتاكي"
وانا الواخد ف جيبي "دولار"
انا الصايع .. وانا العيل
و ف "الشارع" ف ليل و نهار
انا اللي ماليش لزوم أصلآ
وشكلي كأني م الكفار !
انا ال"حد" اللي شال ريس
انا اللي كرهت " الإستعمار "
انا اللي رفضت "الإستعباط"
و "الإستهبال" و "الإستحمار"
انا اللي يا إما أموت راجل
يا إما أعيش كما الأحرار
انا اللي لا "شيخ" هيرهبني
و لا "دقونهم" تخوفني ... ولا "تكفير" ولا "إستغفار"
انا اللي لا يمكن أتصور
يموت "صاحبي" و ماخدش التار
انا اللي قدرت أقول ال "لأ "
و عادي لو هخش النار
..
انا واحد .. من الثوار