المسيح جه النور جه🤍

[walaa farouk]

بمناسبة إننا بنشوف في الوقت ده
جدالات وخناقات حوالين أفكار كتير مختلفة —
وده شيء موجود من زمان وهيفضل موجود —
خلّينا نفتكر حقيقة واحدة مهمة وهي الحقيقة الأهم على الإطلاق:

إن المسيح قال عن نفسه: "أنا هو نور العالم."

يعني من غيره إحنا في ضلمة…لأن مفيش نور غيره.

وكل ما نبعد عنه، إحنا فعليًا بنقرب للضلمة،
لإننا بنبعد عن مصدر النور.

وكل ما نبعد عن النور،
وضوح الأمور وتقييمنا ليها يقل،
لإن محدش يعرف يميّز ويشوف في الضلمة.

السبب الوحيد اللي يخلّينا نميّز…هو قربنا من مصدر النور
اللي بيكشف، وبيغيّر،
وبيخلّينا نختبر حقيقة كل شيء.

النور بس هو اللي بيغيّر و هو اللي بيكشف.

المسيح جه… النور جه🤍