|
 |
 |
 |
|
رقم المشاركة : ( 1 )
13 - 11 - 2025, 05:17 PM
|
|||||||||||
|
|||||||||||
 عارف لما تشعر فجاءه انك مفتقد حياه معينه عارفين مفتقد ايه (بيت تيتا) مامت ماما كان بيت بسيط اوي اوي اوي في شباك بيطل علي الشارع وكمان ارضي مش عالي بس كان البيت ده عندي راحه كبيره وانا صغير ويمكن عمري ماتكلمت عنه بس عندي احساس اني مفتقده اوي مفتقد لما كنت احضر القداس الاول يوم الاحد بدري وبعدها نروح لتيتا ونجيب فطار بسيط ونقعد عندها كنت انام علي سريرها في امان رهيب كانت تقريبا احلي نومه بنامها كانت تيتا صوتها حلو اوي كانت ترنم ترنيمه (وحدك يا يسوع ) بصوت جميل كانت بتدي دايما وعندها عطاء رهيب كانت تقبض معاشها وتيجي جري تقولي ( خد خالي دول معاك )كنت بحبها اوي فجاءه حاسيت اني مفتقد الحياه دي مفتقد حياه كنيسه الطفوله اللي مافيهاش كدب ولا رياء ولا صراعات ولا نيات كدابه ومش حقيقيه كان وجودنا في الكنيسه فرحه وعيد مش شيل هم هاقابل مين وهاشوف مين وهايقولوا ايه ونظراتهم ايه كنا نفرح بريحه البخور وريحه القربان والصوره اللي تتوزع في مدارس الاحد وحصه الألحان والحياه كانت تفرح القلب هو ليه مابقاش في حياه بسيطه ليه مابقاش في خير حتي جوه الصُحبه ليه مابقاش حتي جوه كنايسنا علاقات تديك قوه نفسي اقول كلمتين مهمين 🌹لكل شاب وشابه استمتع بوجودك وسط اهلك وقعدتهم استمتع لو عندك جد وجده انك تجري عليهم وتحضنهم وتسمع منهم خبرات او حتي تاخد منهم قوه وحضن وحب وضحكه صافيه فيها عمر ماليان هدؤ 🌹لكل جد وجده عاملوا أحفادكم بحب باحتواء احضنوهم في زمن مفتقدين فيه الحضن النضيف ماتبقوش معاهم غير مصدر خبره وحكمه وبس 🌹لكل كاهن وكل خادم وخادمه عايشوا الجيل ده في كنيسه جواها حب ودفي من غير صراعات من غير نيات مش كويسه من غير تفكير في نفسنا وننسي هدفنا الرئيسي اننا نبين المسيح في جو صحي جو روحي بس صحي جواه حب وبس واخيراً 🙏يا بخت اللي لسه عنده عيله بيروح يستخبي وسطيهم من دوشه الحياه يا بختك لو مثبت يوم تروح فيها لاهلك وانت كبير تشوفهم وتقعدوا سوا يا بختك لو كل اسبوع عندك يوم شبه ايام الأعياد عارفين العادي اللي فاكرينه عادي في حياتكم ده هو الخير اللي بيتمناه ناس كتير الحياه خلتنا عايشين في وحده وصراعات سيبوا مكان نضيف نروح نرتاح فيه سيبوا مكان حلو في ذكريات جميله تديك قوه علي حياه بتموت فيها الذكريات سيبوا الكنيسه مكان نرتاح فيه مايبقاش حمل علينا وجواها حياه صعبه سيبوا أماكن نرتاح فيها 
|
|
| قد تكون مهتم بالمواضيع التالية ايضاً |
| الموضوع |
| رجوله مفقوده |
| اكتشاف مدينة ذهبية مفقوده في الأقصر |
| ساعات مفقوده من الحب |
| حياه يقودها عقلك .. افضل بكثير من حياه يقودها كلام الناس |
| العثور على اشياء مفقوده |
العرض الشجري