أنا بديله الكل لأنه هو يستاهل أنه ياخد الكل

[walaa farouk]

ليه بنعبد الله
مش عشان هو عايزنا نعبده، ولا عشان إحنا لازم نعبده
لكن لأنه مستحق!
"قَائِلِينَ بِصَوْتٍ عَظِيمٍ: «مُسْتَحِقٌ هُوَ الْخَروُفُ الْمَذْبُوحُ
أَنْ يَأْخُذَ الْقُدْرَةَ وَالْغِنَى وَالْحِكْمَةَ وَالْقُوَّةَ وَالْكَرَامَةَ
وَالْمَجْدَ وَالْبَرَكَةَ!»" (رؤ 5: 12).

هو مش محتاجني أعبده ولا عبادتي
هتزود من قيمتي عنده و اه وأنا بعبده بتعزى
لكن هدف العبادة هو أنه الله يتمجد مش عشاني
ولا عشانه لكن عشان هو يستحق ده
عشان كدة العبادة مش بتقتصر على فقرة تسبيح
لكن أنا طول الوقت بعبده في شغلي
، دراستي، وسط صحابي وحتى في الشارع
، أنا بديله الكل لأنه هو يستاهل أنه ياخد الكل.