|
 |
 |
 |
|
رقم المشاركة : ( 1 )
02 - 10 - 2025, 01:48 PM
|
|||||||||||
|
|||||||||||
|
طيب هاقضى باقى الشهر ازاى اسامه ضحى بنفسه .... بيقول كنت رايح الصيدليه اشترى دوا برد لاقيت ولد واقف على باب الصيدليه وفى ايديه روشته وبيطلب مساعده ، فا قولتله عاوز كام ؟ قالى مش عارف تمن العلاج كام قولتله هو لمين ؟؟ قالى لماما 😔 قولتله طيب تعالى معايا دخلنا الصيدليه لاقينا تمن العلاج ٢٣٠٠ ، وانا مش معايا غير ٢٤٠٠ .. طيب هاقضى باقى الشهر ازاى !!! فا قولتله طيب استنانى بره .. بينى وبين نفسى مش هاقدر اساعده لانى مش معايا .. فا اشتريت علاج البرد بتاعى ومشيت .. لكن فى حاجه الولد واقف مستنينى .. فضلت ماشى وانا حاسس بالذنب طيب الواد اللى مستنينى، طيب بعد ما عشمته .. ارد على نفسى واقول طيب وانا اعمل ايه هو انا معايا وقولت لا ، ربنا يكرمه بقى هاعمل ايه !! دانا محتاج مصاريف كتيره .. المهم فضلت ماشى بالعربيه عمال الف وبفكر ومش عاوز اروح .. وقفت بالعربيه عند اشارة وسط البلد ، واقف وكأن ربنا سامعنى وباعتلى اشاره .. لاقيت طفل بيبيع مناديل واحده جابتله وجبه فراخ ياكلها ، قام منادى على كل العيال اللى معاه وفرشو على الرصيق وكلو كلهم مع ان الوجبه ربع فرخه بس الولد كان فرحان جدا وهم بياكلو معاه .. فى لحظتها لفيت ورجعت وكنت بتمنى ان الولد يكون لسه موجود .. بالفعل لاقيته واقف واول ما شافنى فرح جدا جدا ، قولتله معلش اتاخرت عليك كنت بجيب فلوس ، دخلت وجيبتله العلاج ووصلته لغاية البيت ، ومسكت ال١٠٠ جنيه اللى فاضله وقولت بضحك عشانا عليك يااارب .. الغريب بقى ان تانى يوم اتبعت ميل من الشركه انهم نزلو مكافأه الارباح السنويه والحمدلله ربنا كرمنا من وسع 😍😍 
|
|
العرض الشجري