|
 |
 |
 |
|
رقم المشاركة : ( 1 )
23 - 09 - 2025, 08:17 PM
|
|||||||||||
|
|||||||||||
 خليك_خادم_واعى تفتكروا إيه اللي ممكن يأثر في شاب/شابة أكتر: بوست طويل على الفيس فيه كلام عميق؟ ولا صورة من 3 كلمات وضحكة سريعة؟ الحقيقة إن شباب النهاردة بيتشكل وعيه من خلال حاجة اسمها "ثقافة الميمز".. ميم بسيط ممكن يخلي الشاب يغيّر نظرته لحدث سياسي أو يقلل من قيمة شخص أو يرسّخ فكرة معينة في دماغه.. وكل دة من غير حتى ما ياخد باله! دة يعنى إيه للخادم؟ 🤔 يعني لو فضلت تبص على الميمز باعتبارها "تفاهة " أو "هزار عيال صغيرة".. يبقى أنت مش شايف الواقع.. الميمز مش بس هزار دي أداة تشكيل رأي بقت أقوى من أي مقال أو خطبة.. الخادم الواعي مش لازم يقلد الميمز أو يعمل نفسه "cool" علشان يبقى شبه الشباب.. لكن لازم يفهم: 🔹 إيه اللي بيضحكهم؟ 🔹 إيه الرسائل اللي بتتكرر في الميمز؟ 🔹 إيه اللي بيتسرب جوا عقولهم من غير ما ياخدوا بالهم؟ أوقات الميمز بتبين لنا احتياجات خوف أو حتى شكوك الشباب أكتر من الكلام المباشر اللي ممكن يقولوه.. اللي عايز يخدم جيل النهاردة لازم يعرف اللغة اللي بيتكلموا بيها.. 
|
 |
|
العرض العادي
