إبدأ من جديد وصدق إنك اتغيّرت

[walaa farouk]

أوقات كتير بنبص لورا ونفتكر كل غلطة،
كل ضعف، كل لحظة كنا فيها أقل من اللي كنا نتمنى
… وبلا وعي نربط نفسنا بالماضي وكأنه قدر مكتوب علينا.
لكن الحقيقة؟ أنت النهاردة مش هو نفس الشخص
اللي كنت عليه مبارح، ولا اللي كنت عليه من سنين.
ربنا بيغيّر، والحياة بتشكّل، والتجارب بتصقل روحك.
لو فضلت تحكم على نفسك بماضيك،
عمرك ما هتشوف باب المستقبل مفتوح قدامك.
سيب الماضي في مكانه…
هو مجرد محطة عبرت منها،
مش بيتك اللي تعيش فيه.
إبدأ من جديد، وصدق إنك اتغيّرت…
لأنك فعلًا مش بتسكن هناك تاني.