|
 |
 |
 |
|
رقم المشاركة : ( 1 )
13 - 08 - 2025, 08:06 PM
|
|||||||||||
|
|||||||||||
|
وجعك اللي ما حدش شايفه .. ده اسمه الاحتراق الداخلي.. عارفك .. قاعد وسط الناس تضحك ، او عامل نفسك بتضحك ، و جواك نار قايدة .. الناس شايفاك متماسك ، بس الحقيقة إنك بتنهار .. كل ده وانت بتحاول تقنع نفسك إنك بخير وانت فى الحقيقة مش بخير.. مخك مش بيسكت، تفكيرك بيفرك ، بتحلل كل حاجة وبتفكر في كل الناس وفي الآخر ماحدش بيفكر فيك.. روحك مرهقة ، نفسك ترتاح من التفكير و نفسك تعيش يوم من غير قلق من غير وجع مش مفهوم ومن غير دموع بتنزل فجأة وانت ساكت .. الاحتراق الداخلي مالوش صوت ، بس ليه أعراض.. زي إنك تفضل ساكت علي طول ، أو تضحك أكتر من اللازم ، أو تبان جامد أوي عشان محدش يلاحظ إنك ضعيف .. محدش بيحس بالحالة دي غير اللي عايشها. . بس باطمنك ، الخروج منها ممكن و ممكن جدا.. أولا : اعترف إنك تعبان : ده مش ضعف، دا إنقاذ لنفسك ، انت تستاهل تعيش مرتاح ، و قلبك يستاهل يهدى والمخ اللي مش بيسكت محتاج يسمع كلمة "كفاية".. ثانيا : ما تسيبش نفسك تتحرق علشان مفيش لا حد و لا حاجة تستاهل . ثالثا : اعرف انك مهم عند ربنا وتستاهل كل خير حتى لو محدش قالك كده .. رابعا : اتكلم مع حد ثقة و متخصص يساعدك تطلع برة نفسك .. خامسا : و عن خبرة اكتر حاجة ح تريحك فضفضة الصلاة .. 
|
|
| قد تكون مهتم بالمواضيع التالية ايضاً |
| الموضوع |
| اللي شايفه أنت مستحيل هو شايفه فرصة لمعجزة |
| اللي شايفه شؤم |
| هو الوحيد اللى شايف اللى محدش شايفه |
| ايه هو اللي مش شايفه ؟؟؟؟ |
| هيستجيب عشان هو الوحيد اللي شايف اللي محدش شايفه .. |
العرض الشجري