المكتوب ما بيكذبش: كُلُّ مَنْ يُؤمِنُ بِهِ لا يخزى ❤️

[walaa farouk]

في وسط العيون اللي شافِتك ضعيف…
وفي وسط الكلام اللي حَكم عليك بالخزي…
ربنا بيقولك: “اللي مؤمن بيا، مش هيتفضح
، مش هينهزم، مش هيُكسَر”.
آه، يمكن تكون وقعت، ويمكن نفسك اتكسرت
، بس الإيمان الحقيقي مش بيحفظك من السقوط…
الإيمان بيشيلك بعد السقوط.

عارف يعنى إيه “لا يُخزى”؟
يعني ربنا نفسه بيستر عليك، بيحفظ كرامتك،
بيجبر كسرك من غير ما يدوّي صوت الجبر،
وبيحُطك في مكان مكنتش تتخيله…
وبيفكرك إنك مش متساب، وإنه عارفك بالاسم،
وواقف معاك في كل لحظة.

مفيش حاجة بتوجع ربنا فيك قد حزنك…
ومفيش حاجة بتفرّحه فيك أكتر من رجوعك ليه بإيمان
حتى لو كان مكسور.

صدقني…
هييجي يوم تبص ورا وتقول:
أنا افتكرت إن نهايتي كانت هنا…
لكن الحقيقة، دي كانت بداية المجد.
المكتوب ما بيكذبش:
“كُلُّ مَنْ يُؤمِنُ بِهِ لا يُخْزَى” ❤️