|
 |
 |
 |
|
رقم المشاركة : ( 1 )
26 - 06 - 2025, 07:40 PM
|
|||||||||||
|
|||||||||||
 كاهن كل أما يروح يصلي القداس كل يومين يلاقي ورقة مبعوتة وسط ورق طلبات الصلاة و التراحيم فيها دعاوي صعبة علي شخص ( يارب إن ت قم لي من فلان . . يارب و ل ع في فلان .. يارب وريني فيه يوم . . و دعاوي بالمرض و كلام صعب أوي ) الكاهن معجبهوش الكلام ده و حط الورقة علي جنب لانه عارف ان ده لا يليق و مش من المسيحية .. و التناول أساس قوي فيه التوبة و الغفران و إحنا بنروح القداس علشان نتشفي من أي كراهية أو عيوب جوانا مش علشان ندعي علي حد و المسيحية مافهاش دعاوي كراهية علي حد . بعد يومين راح يصلي القداس لقي ورقة من نفس الشخص اللي ميعرفش ده مين و فيها نوع من الدعاوي مختلفة . . الكاهن ده قرر يعمل شئ مختلف قرر يصلي لأجل الشخص اللي بيبعت الورق ده بدموع .. كل أما يروح يلاقي ورقة جديدة منه يصلي " يارب اللي باعت الورقة دي مجروح إشفيه يارب و اشفي نفسيته و اديه قوة في قلبه يغفر " يروح القداس اللي بعده يلاقي ورقة جديدة وسط الورق بنفس المضمون فيقرر يكمل صلاة لأجل الشخص ده في سره طول القداس " يارب اشفيه و اشفي نفسيته و ساعده يغفر " لحد ما في يوم بعد شهرين لقي الورقة اختلفت لقي نفس الورقة بنفس الخط مكتوب فيها " بارك يارب فلان ، إغفر له زي ما غفرت ليا خطاياي الكتيرة و باركه و غير كل عيب جواه .. اشكرك انك ساعدتني أغفر " المهم الكاهن فرح جداً و أول قداس يكمله بفرح مش بدموع بعد فترة كبيرة و ابتدا يبان علي نغم صوته في القداس بعد أما شاف إستجابة ربنا لصلاته علي المذبح لطلبة صعبة و مزعجة و طلب من ربنا ان يخلي الشخص ده يقابله بدون ما يعلن عن ده في المايك و بالفعل قابله الراجل بعد القداس و قال له يا أبونا أنا اللي كنت ببعت الورقة دي كل قداس .. أنا كان جوايا مرارة شديدة ، لحد ما في يوم قمت من أحلاها نومة بالليل و لقيت نفسي ببكي بالدموع وجوايا غفران للشخص ده و لقيت نفسي بشوف الخطايا الصعبة اللي عملتها و ربنا عداها ليا و اني لازم ارد من الجميل ده و اغفر للشخص زي ما ربنا غفر ليا مصايب و سامح ليا أتناول من جسده و دمه . الكاهن فرح جداً و خده بالحضن و قال له : اللي حصل " إنت إتشفيت يابني " فيه حد كان بيصلي لأجلك كتير ان ربنا يشفي قلبك .. صلي لحد تعبان غيرك من جوة علشان يتشفي زيك وَصَلُّوا بَعْضُكُمْ لأَجْلِ بَعْضٍ، لِكَيْ تُشْفَوْا. ( رسالة يعقوب ٥ ) 
|
|
| قد تكون مهتم بالمواضيع التالية ايضاً |
| الموضوع |
| يا مذبح يا مذبح يا قدس الاقداس |
| ما أصعب تلك المشاعر التي تفتقد بحق .. ما أصعب الفقد |
| كل ورقة |
| أصعب وظيفة.....أصعب امتحان |
| بالصورة اكبر مذبح فى العالم و فى ارض مصر مذبح شهداء كنيسه القديسين |
العرض الشجري