|
 |
 |
 |
|
رقم المشاركة : ( 1 )
17 - 05 - 2025, 01:02 PM
|
|||||||||||
|
|||||||||||
|
بيجيلهم وقت وبيدفعوا تمن ظلمهم وبالزياده كمان فى القطر وانا قاعد فى الصف اللى جنبى واحد قاعد وجنبه كرسى فاضى وحاطط عليه شنطه .. كل ما يجى واحد يقوله فى حد هنا ؟؟ التانى يرد ويقوله اه .. فضلنا على الحال ده من رمسيس لغاية المنيا .. لغاية ما فضولى خلاص قتلنى خلاص .. جات ست كبيره قوى وتعبانه مش قادره تقف قالتله فى حد هنا ؟؟ والتانى كالعاده قالها اه .. قولتله هو فين اللى قاعد جنبك هنا على الكرسى انا متابعك من رمسيس لغاية دلوقتى وكل ما يجيلك حد ماترضاش تقعده .. قالى وانت ماللك؟؟ قولتله لا ده مالى ونص ، والناس سخنت معايا بقى عليه .. قالى انا حاجز الكرسى ده ودافع تذكرته ، ليك حاجه عندى ؟؟ قولتله ورينى تذكرتك ؟؟ قالى مالكش دعوه .. قولتله تمام .. قعدت الست مكانى على الكرسى بتاعى قولتلها تعالى اقعدى مكانى هنا وانا مشوار عالسريع وجاى .. قومت رايح جايب رئيس القطر ، وحاكتله على الموضوع كله .. والناس شهدت معايا ، قام رئيس القطر يشكر دفع الراجل تذكره للكرسى من رمسيس لغاية المنيا 🤭، لأنه طبعا ماكنش حاجز تذكره اصلا ... قومت انا قولتله هاتقعدنى ولا هاتدفع تذكره تانى😂😂 فى ناس كدا ظالمين وواكلين مال اليتيم وانت تستغرب ازاى ربنا صابر عليهم وازاى مرتاحين كدا وناجحين وماعندهمش اى مشاكل لكن انت اللى ماتعرفهوش ان دول بيجيلهم وقت وبيدفعوا تمن ظلمهم وبالزياده كمان .. 
|
|
| قد تكون مهتم بالمواضيع التالية ايضاً |
| الموضوع |
| أيوب | عملهم السلب والاغتصاب |
| ولو طال ظلمهم ليك وزاد عن الحد |
| من هم السارافيم ؟ وما عملهم ؟ |
| احنا كمان بنحبها زيه العدرا امى انا كمان |
| رؤساء الملايكه وما هو عملهم ؟؟ |
العرض الشجري