|
 |
 |
 |
|
رقم المشاركة : ( 1 )
17 - 05 - 2025, 12:44 PM
|
|||||||||||
|
|||||||||||
|
الغنى الحقيقى هو النفس الشبعانه بالرضا والمحبه من يومين كنت مروح على الساعه ٢:٣٠ الفجر كدا مستنى الاتوبيس فى الشارع اكتر من نص ساعه لغاية مالاقيت ولد صغير شايل كيس كبير فوق دماغه لدرجة ان الولد مش باين من الكيس ، الغريب بقى انى كنت فاكره جاى يطلب فلوس لاقيته واقف جنبى ونزل الكيس على الارض ووقف .. قالى هو اتوبيس ٦٨ لسه مجاش ؟؟ قولتله لا لسه ادينا مستنين .. لاقيته قعد على الارض وطلع رغيف عيش وشويه سكر وحطهم جوه الرغيف وفضل ياكل .. فالما فضلت باصص ليه جامد راح قاسم الرغيف وقالى خد ، ماعزمش حتى قبل ما يقسم الرغيف ، لا ده قسمه وعطهونى على طول .. قولتله لا يا حبيبى بالهنا كل ، حلف انى لازم اكله ، وهو بيتكلم كدا تحس انه راجل كبير مش عيل صغير خالص ... المهم اخدت منه نص الرغف وروحت جبت حجر كان ورايا وقومت قاعد جنبه وفضلت احكى معاه بقى .. فضلنا نحكى لغاية ماجه الاتوبيس ، حصلت ساعتها حاجه غريبه جدا .. الولد قعد جنبى فى الاتوبيس فا جات واحده ست ركب فى الكرسى اللى قدامنا ، وهى بتدفع الفلوس وقعت منها تحتها ورقه ب ٢٠٠ جنيه ،مارضتش اقول للست وعملت نفسى مش واخد بالى كنت مستنى اشوف الولد هايتصرف ازاى لانها وقعدت تحت رجله . الولد اول ما لحظها وطى خدها على طول وفضل ماسكها من غير ما حد يحس .. انا شوفت المنظر ده واتصدمت فيه لغايه ماحصلت حاجه ماكنتش متوقعها تمامااااا .. بعدها بحوالى دقيقتين الولد وقف فى نص الاتوبيس وقال يا جماعه حد واقع منه فلوس . لحظة صمت ... بعدها قال يا جماعه كل واحد يراجع على فلوسه كويس حد وقع منه فلوس ؟؟؟ دقيقتين كدا فا الست قالت ايوه انا وقعت منى ٢٠٠ جنيه يظهر وقعت وانا بطلع الفلوس .. قام الولد عطالها ورجع مكانه تانى .. انا ساعتها سالته قولتله انت ليه اول مالاقيت الفلوس مسكتها واستنيت شويه ؟؟ قالى انا كنت شاكك ان الفلوس دى بتاعت الست اللى قدامى لكن حبيت اتاكد الاول عشان ماظلمش حد ... الخلاصه اللى عاوز اقولها ان الغنى الحقيقى هو غنى النفس ، ياما ناس معاها فلوس تبنى جبال لكن لسه جعانين ، ناس كتير فى حياتنا عينيهم مايملهاش التراب .. عزيزى القارىء اوعى تحكم على المظهر ، اوعى تقول ده معاه فلوس مش محتاج ومستحيل ياكلنى اوعى تقول كده عشان الضربه مش بتيجى غير من الناس دى ... الغنى الحقيقى هو النفس الشبعانه بالرضا والمحبه والعطاء وحب الخير للناس . 
|
|
| قد تكون مهتم بالمواضيع التالية ايضاً |
| الموضوع |
| الغنى الحقيقي |
| الهروب منك أنت أيها الغني الحقيقي والفرح الحقيقي |
| الغنى الحقيقي |
| النفس الشبعانه تدوس العسل |
| الغني الحقيقي مش الغني بالمال، |
العرض الشجري