|
 |
 |
 |
|
رقم المشاركة : ( 1 )
06 - 05 - 2025, 11:45 AM
|
|||||||||||
|
|||||||||||
|
حتى الافعال الحلو اللى بنشوفها بقيت مزوره سبع غرز فى الكف اليمين .. نزلت انهرده عشان اجيب خضار لاقيت واحد عارض خضار حلو جداً ونضيف جداً جداً لدرجة انه لما كان بيرص البضاعه كان بيغسل الخضار قبل ما يحطه على العربيه ودى حاجه لفتت انتباهى قوى بس كان فى حاجه خوفتنى ، ماكنش حاطط تسعيره وعمال بيقول ببلاش ببلاش ببلاش .. اللى خوفنى ان مافيش حد كان بيروحله طيب ليه ؟؟؟ قولت اروح واشوف الدنيا ايه .. روحت بكام الطماطم ياعمى قالى بره ب٦:٥٠ عندى ب٥ قولتله تمام بس انا اللى هانقى .. قالى حقك ياباشا خد الكيس ونقى اللى انت عاوزه المهم انا استغليت الموقف وجبت منه حاجه كتيره قوى .. قولت اجيب خزين الشهر كله بالمره ماحدش عارف الظروف ايه .. خدت الحاجه ووقفت توكتوك والراجل فيه الخير ساعدنى وحطلى الحاجات فى التوكتوك وحط تحت كلمة ساعدنى وحطهملى مية خط عشان هانرجعلها تانى .. اول مادخلت البيت وزنت الحاجه كعادتى لاقيت كل كيس ناقص نص كيلو ، ساعتها الراجل قالى انا ماعنديش غير كفه ٢ كيلو بس فا هوزنلك اتنين اتنين ، يعنى لو محتاج ٦ كيلو هايوزنهم على ٣ مرات احسب بقى فى الكميه الكبيره اللى اخدتها هاتلاقيه ناصب عليا فى مبلغ محترم … رجعتله وانا شايط ودبيت معاه خناقه كبيره قوى انتهت بإصابتى بسبع غرز فى ايدى والحمدلله انها مادخلتش فى اوتار الصوابع .. عزيزى القارىء الحياه صعبه ، لأن اقل قلم منها ممكن ياخد روحك الحياه مش عاوزه الطيشان والتهور ، اهدى وركز وفكر مليون مره قبل ما تاخد اى خطوه فى حياتك ، لان التزوير بقى فى كل حاجه حتى الافعال الحلو اللى بنشوفها بقيت مزوره .. 
|
|
| قد تكون مهتم بالمواضيع التالية ايضاً |
| الموضوع |
| قول الحلو فى اللى قدامك |
| طلع الحلو اللى جواك |
| خليك انت الحلو اللي في حياة اللي حواليك |
| الافعال النبيلة التي تخفى على الناس هي اكثر الافعال تبجيلا |
| شوف الحلو اللي في الناس |
العرض الشجري