سبت إيده تكمل المشوار

[walaa farouk]

مفيش أجمل من الإحساس بالرضا ..
لما تبقى عملت اللي عليك،
وحطيت تعبك، وخوفك، وأملك قدام ربنا،
وسبت الباقي عليه.
مفيش أجمل من اللحظة
اللي تحس فيها إنك مش لوحدك،
إنك مش مضطر تفضل شايل هم النتيجة،
ولا تحارب لوحدك عشان تحقق اللي بتحلم بيه.
عملت اللي تقدر عليه،
وصليت من قلبك،
وسبت إيده تكمل المشوار.
وده كفاية قوي عشان ترتاح،
وكفاية قوي عشان تطمّن إن الخير جاي،
لأنك حطيته بين إيدين أمينة..
إيدين ربنا.