فيه إله شايفك سامعك وحاسس بكل اللي جواك

[walaa farouk]

اللحظة اللي بتكون فيها الدنيا هادية، لكن دماغك شغالة ١٠٠٠ حصان!
بتفتكر حاجات حصلت، وحاجات كان ممكن تحصل
، وحاجات كان المفروض متحصلش أصلاً.

بتراجع يومك، بتحاسب نفسك، بتسأل أسئلة وجودية
، زي: “أنا ماشي صح؟”، “هو أنا كان لازم أرد كده؟”،
“ليه الحاجة اللي بستناها مش بتحصل؟”.

وفي وسط كل ده، تلاقي صوت جواك بيقول: “كفاية تفكير… نام”.
وساعات بتحس إنك مش عايز تنام أصلاً،
لأن النوم معناه يوم جديد، واليوم الجديد معناه مواجهة جديدة.

لكن اللي فعلاً بيطمنك قبل ما تنام، مش إن الدنيا تمام،
ولا إن كل المشاكل اتحلت
… إنما إنك عارف إن فيه إله شايفك، سامعك
، وحاسس بكل اللي جواك…
حتى الحاجات اللي مش قادر تحطها في كلام.