هنا في كوكب الفيسبوك

[walaa farouk]

هنا في كوكب الفيسبوك…
هنا، كل شيء مختلف. ناس تعرفهم، وناس ما تعرفهمش
، وناس أصلاً مش عايز تعرفهم، لكن رغم كده، كلهم بقى لهم مكان في حياتنا الفيسبوكية.
تعيش في وطن افتراضي، أنت اللي اخترت شعبه على مزاجك.
مش مجبر على حاجة، واللي مش عجبك؟ بكل بساطة: انفريند.
ولو عاوز تختفي، عندك “طاقية الإخفاء”
أو منفى البلوك التكنولوجي، حق مشروع لكل مواطن.
هنا الناس جايين من كل حتة، لغات مختلفة وثقافات غريبة
، لكن بنفهم بعض. ترجمة، إيموشنز، أو حتى إشارات بسيطة بتجمعنا.
الغريب إن أغلب اللي هنا كائنات افتراضية، بس التواصل معاهم مليان مشاعر حقيقية.
بنضحك مع بعض، بنشارك أحزاننا وأفراحنا، بنهني، بندعي،
بنبعت لبعض تورتات وسلامات، وكأننا عايشين جنب بعض.
وفي عز الأزمات، لما حد يغيب أو يحصل له حاجة، بنكون إيد واحدة. ولو اتخانقنا؟
عادي جدًا، شوية تلقيح بوستات، وبعدها نتصالح بقلوب مفتوحة وإيموشن حضن مطارات.
هذا هو عالم الفيسبوك… مليان تناقضات، لكنه في النهاية بيت افتراضي كبير يجمعنا كلنا! 😉😅🙆😍❤️