زوادة اليوم: "حمِلتي الخبريّة وِعمِلتي مشوارِك2023/12/27

[walaa farouk]

زوادة اليوم:
"حمِلتي الخبريّة وِعمِلتي مشوارِك.



الربّ قَطع المسافة بين الأزل والزمن وإجا لعندِك.
وإنتِ قطعتي المسافة، الزّغيرة كتير بالنسبة للمسافة
اللّي قَطَعها الربّ، بين الناصرة وعين كارم، وجيتي لعند أليصابات.

الله عطاكِ الفرح، عطاكِ إبنو يوم اللّي قَطَع هالمسافة
اللّي ما بيِقدر إنسان يقطعها.
وإنتِ حَمَلتي الفرح وحَمَلتي يسوع لأليصابات
يوم اللّي قَطعتي هالمسافة يلّي ممكن الإنسان يقطعها.

هُوِّي عطاكِ إنِّك تعطي.
وإنتِ عطيتِ وزَرَعتِ الفرح.

المسافات معمولة تَ تُنقَطَع.
بيني وبينَك في مسافة،
وهاي مسافة ضرورية تَ إقدر كون أنا أنا وإنت إنت.
بس وقت اللّي أنا بعيِّطلَك بإسمَك،
صوتي، كلمتي هيي اجتياز للمسافة.
ووقت اللّي أنا بِسمعك،
إصغائي إلَك هوِّي اجتياز للمسافة.

مهمّة المسافة، بس كمان مهم العبور.
حلوة المسافة بيني وبينك ت تقدر تكون إنت وإقدر كون أنا.
بس المسافة لازم تكون درب مش وادي ما بيِنقَطع.

حلو نحترم المسافات، وحلو نعرف نقطع المسافات.
والله معكن🙏"

[Mary Naeem]

شكرا على الزوادة
ربنا يفرح قلبك