زوادة اليوم: يا ربّ إحمي لبنان وكل البلدان : 16 / 10 / 2023 /

[souad jaalouk]

زوادة اليوم:

يا ربّ إحمي لبنان وكل البلدان

بيخبرو الطيّارين اللي كان عندن مهمّات قصف بإيطاليا إنّو كل ما يقربو الطيّارات عا سما منطقة سان جوفاني روتوندو كانوا يشوفوا راهب بالسما فاتح إيديه و تصير القنابل توقع وحدها بالغابة و الطيّارات تغيّر إتِّجاهها بدون أيّ تدخّل من الطيّارين!

كان هالراهب عم يمنعن يقصفوا هالمنطقة.

بأوّل فرصة راحوا الطيّارين عالدير بهيديك المنطقة حتّى يشوفوا مين هالراهب و أوّل ما وصلوا دغري عرفوه من بين الكل!

بادري بيو!

قرّب بادري بيو من الجنرال و قلّو: لكن إنت اللي كنت بدّك تقتلنا كلنا؟! ركع الجنرال و مجّد الربّ!

يا ربّ إحمي كلّ الشعوب و أبعد عنّن الحروب و الخوف... بشفاعة بادري بيو اللي ساهم بزرع السلام، منّك يا رب منطلب.

وما ننسى كمان إنو لبنان بلد القداسة والقديسين هني حامينا ع مدار هالسنين، قديش مرق علينا ب لبنان من حروب ما خفنا ولا رح نخاف لبنان وقف الله ع الأرض ولبنان مكرس لقلب يسوع ومريم الطاهرين وبلد القديسين شفعائنا القديسة رفقا ،مار شربل، مار نعمةالله، بونا انطون ،ابونا اسطفان نعمة ، ابونا يعقوب وكتار غيرن ،خلونا اليوم نصلي ليعم السلام ب لبنان و ب كل أنحاء العالم .
والله معكن