شخصيات كتابية نتعلم منها {دينة ابنة يعقوب}

[walaa farouk]

دينة ابنة يعقوب
معنى اسمها دينونة




قبل ما نتكلم عنها هنتعرض لقصتها بنظرة مجردة من الإدانة وهنشوف هنتعلم ايه من قصتها
1- دينة الساذجة
كانت دينة بنت ليئة ولم تتعلم اطلاقا من امها
ليئة اللي قدرت تنتصر عن كل المشاكل والمضايقات
لكن دينة لم تحتمل واتغرت من كلمة حلوة من ناس أغراب
كانت نظرتها لبنات كنعان وخرجت لتنظر بنات الناس اللي من أيام إبراهيم أوصى اليعازر
الدمشقي انه لا يزوج ابنه لبنات كنعان
2- دينة والبحث عن الذات
الاغلب دايما لما يكون في بنت في البيت وليها أخ بتكون الجانب الضعيف
ويمكن كمان يمارس كل حركات المصارعة مع اخته علشان يظهر انه راجل ومسيطر
ما بالك ان ليها 12 أخ في مجتمع يكره البنات أساسا كعادات بشرية وليست وصايا إلهية
لكن دينة بحثت عن ذاتها في السلطة والجاه انها راحت لرئيس الأرض شكيم بن حمور
3- دينة وفكر الانتقام
كتر الضغط الداخلي اللي احطت نفسها فيه
تمردت على نفسها حتى انها رضيت انها تتنازل عن حاجات كتير
رضيت انها تتذل بره البيت افضل من انها تعيش مكرمة في بيت أبوها
تعالوا نطبق اللي اتعلمناه
1- لو انت أب أو أم قدم الحب والحنان لأولادك
خلي دايما الحضن شيء اساسي كل يوم لما تدخل البيت لما تطلع من البيت
اولادك لو شبعوا في البيت مش هيشحتوا الحب بره
2- قدم دايما التقدير لأسرتك
كلمة شكرا مش هتكلفك كتير
كلمة تشجيع مش هتكلفك كتير
وخصوصا مرحلة الشباب هي مرحلة تكوين الذات
3- دايما عود نفسك وأولادك لمبدأ المحاكمة العادلة
يعني عندك طفلين اخطأوا تجيبهم للتداول وكل واحد يعرض من غير ما يسيء للاخر
فقط يعرض هو عمل ايه وانت تحكم
ودايما اعمل اكتر من عقاب هو يختار عقاب فيهم