| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
30 - 11 - 2022, 09:02 PM
|
||||
|
||||
 اغلب كلامنا علي الحب و الارتباط بيركز علي احتياجات نفسية مطلقة .. يعني عايز شخص يحبني و يسمعني ويحترمني و يقبلني و يهتم بيا و يشجعني.. و.. . و كلها احتياجات نفسية مالهاش نهايه فانت بالمواصفات دي مش بتدور علي شريك حياة انسان غلبان محدود .. . انت بتدور علي واحد لا نهائي ف القدرة عشان يسدد ليك كل احتياجاتك .... يعني بتدور علي واحد كامل و الحقيقه مافيش حد كامل 😅 قاعده ١ ( اعمي يقود اعمي يسقطان كلاهما في حفره) كلنا بشر وعندنا احتياجات ومش كاملين ومحتاجين اللي يسدد احتياجاتنا دي " ولان كلنا ضعاف فمحدش هيقدر يسددلك احتياجك ١٠٠% .. ولو عرف فمش هيعرف طول الوقت ! لان هو كمان محتاج وعايز اللي يسددله احتياجاته قاعده ٢ ( حبيبي لي و انا له ) العلاقة الصح بتبتدي مع ربنا ف الاول .. لان ربنا هو الشخص الكامل اللي بيسدد احتياجاتك النفسية مهما كان درجتها... لانه🤗 ١- مش هيخذلك ومش هيسيبك ومعاك علي طول الخط... حتي لما بتقع و تضعف هو في ضهرك لغاية ما تقوم تاني.. بكده بيشبعلك الاحساس بالامان ٢- هو اللي شايفك جميل طول الوقت ومش معيوب... بيشجعك دايما وبينجح اللي ايدك بتتمد فيه ف هو كده بيديك ثقة في نفسك ٣- هو اللي اخد مكانك وشال العقوبه عنك ومات بدالك عشان يديك حياة افضل وعمره ما بخل ولا هيبخل عليك بحاجة ولا هيذلك باللي بيدهولك بالعكس بيدي بسخاء ولا يعير فهو كده اشبعلك الاحساس بالحب. ٤- كمان مش بس بيديك او بيسددلك احتياجات نفسية ... لا ده كمان بيصلح الحاجات المتشوهة فيك (مع كل تجربة وكل الم مريت بيه) بيشكل فيك ويغير فيك للاحسن قاعده ٣ ( اصنع له معين نظير ) يجي بعد كده دور شريك حياتك .. اللي هو كمان عايش بنفس مبدئك وربنا الاساس ف حياته و شبعان منه.... علاقتكم مش هتبقي مرهقة بالعكس مثمرة وفيها بركة ومفهاش عثرات .. لان انتو الاتنين شبعانين ومليانين من ربنا كل واحد هيفيض علي التاني... واتحولت شكل العلاقة من اتنين كل واحد بيستنذف التاني عشان يكمل نقصه لاتنين شبعانين وبيفيضوا علي بعض اغلب صور العلاقات علي السوشيال ميديا مريضة لانها صور لعلاقات جعانة مفيهاش ربنا وكل حاجة مفهاش ربنا بتفشل حتي لو كان فيه سعاده هتكون مؤقته.. . فاشبع بربنا تفيض محبة وقبول واحترام ورقي وكل حاجة حلوة ... ربنا قادر يبعتلك اللي شبهك يكمل معاك السكة... لكن ماتستبدلش ربنا بوجود انسان لانك جعان 
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| لما شريك حياتك يبقي صعب | walaa farouk | بيت على الصخر | 0 | 18 - 10 - 2020 09:41 PM |
| طرق فعالة لتجذب شريك حياتك | Mary Naeem | بيت على الصخر | 0 | 24 - 12 - 2019 06:35 PM |
| اشحن قلب شريك حياتك : | Rena Jesus | بيت على الصخر | 5 | 18 - 05 - 2017 06:58 AM |
| كيف تحتوين شريك حياتك | Mary Naeem | بيت على الصخر | 2 | 25 - 08 - 2015 12:04 PM |
| عايز تعرف اسم شريك حياتك قبل ما يجى | ميرو | النكت والفرفشة | 8 | 16 - 09 - 2012 05:06 PM |
العرض العادي
