لكل يوم زوّادة: رح نخبّركن عن الطفل يوسف مخلوف. 3 - 5 - 2022 -

[souad jaalouk]

لكل يوم زوّادة:
رح نخبّركن عن الطفل يوسف مخلوف.

تعلّم يحبّ العدرا ببيتو. كان زغير و يرافق إمّو بشهر ايّار عا زياح صورة العدرا و يرتّل "يا ام الله". كانت العيلة كلها تتجمّع و تصلّي مسبحة الورديّة كل يوم. كان عندو المغارة السريّة بالحقلة و فيها صورة العدرا ! يوسف مخلوف اللي لمّا فات عالدير و صار اسمو شربل كمّل متل ما علّموه اهلو يكرّم يسوع و يحبّ مريم حتّى وصل للقداسة! مار شربل واحد من قدّيسين كتار اللي مريم مِسكِتلن ايدن و وصّلتن للقداسة عند يسوع!
و متل ما بتقول القدّيسة فيرونيكا جولياني: "يسوع أتى إلينا عبر مريم ويريدنا الذّهاب إليه على الدّرب عينه."
يا مريم بهالشهر المبارك كوني معنا و رافقي وطننا لبنان بجلجلتو تا يوصل للقيامة...