ببلاش الا ربع

[walaa farouk]

اوعي تكون ببلاش، و اوعي تسترخص نفسك فترخصها..
الناس -للأسف- تحب ابو بلاش ، و تتمني حتي يكون ببلاش الا ربع 😄 !!
لكن الرخيص ده ما لوش قيمة ، لانه جالهم من غير تعب و لا قيمة و لا سعر !
غالبا لما بيلاقوك ببلاش بيجروا منك ، و "جايز جايز" يجروا عليك في الاول ،
لكن برضوا في الآخر بيسترخصوك و اول ما يطولوك،
يركنوك علي الرف او يرموك في "سلة الذكريات" (مشيها ذكريات) ،
و يمكن كمان يهينوك و يحتقروا تعبك !!
ح يقولوا عليك مش لاقي حاجة تعملها او اللي بتقدمه رخيص..
لكن لو حسوا انك غالي او الوصول ليك عاوز مجهود ، تبقي مهم و يقفوا علي بابك طوابير ..
يبقي ادي اللي يقدرك و يقدر تعبك و مجهودك ، بس لو استعلي عليك و استقل بيك و ما تمنش تعبك
، يبقي اوعي ترميله اللي عندك
و افتكر التشبيه "الشديد" اللي قاله السيد المسيح : "لاَ تُعْطُوا الْقُدْسَ لِلْكِلاَب (من يعقروك و يؤذوك) ،
وَلاَ تَطْرَحُوا دُرَرَكُمْ قُدَّامَ الْخَنَازِيرِ (من لا يقهموك) ،
لِئَلاَّ تَدُوسَهَا بِأَرْجُلِهَا وَتَلْتَفِتَ فَتُمَزِّقَكُمْ " (متى ٧: ٦